ASEAN+3 Macroeconomic Research Office - AMRO Mission နှင့်တွေ့ဆုံဆွေးနွေးမှု

စီမံကိန်းနှင့်ဘဏ္ဍာရေးဝန်ကြီးဌာန၊ ရသုံးမှန်းခြေငွေစာရင်းဦးစီးဌာနမှ ဒုတိယညွှန်ကြားရေးမှူးချုပ် ဒေါ်ရီရီမြင့် ဦးဆောင်သောတာဝန်ရှိပုဂ္ဂိုလ်များနှင့် အာဆီယံ + ၃ မက်ခရိုစီးပွားရေးသုတေသန ရုံး (ASEAN+3 Macroeconomic Research Office - AMRO) မှ Group Head, Lead Economist ဖြစ်သူ Dr. Lee Jae Young   ဦးဆောင်သောမစ်ရှင်အဖွဲ့သည် ၂၀၁၉ ခုနှစ်၊ အောက်တိုဘာလ (၃) ရက်နေ့၊ နံနက် (၉:၀၀) တွင် ရုံးအမှတ် (၂၆)၊ ရသုံးမှန်းခြေငွေစာရင်းဦးစီးဌာန၊ အစည်းအဝေးခန်းမ၌ တွေ့ဆုံဆွေးနွေးခဲ့ကြပါသည်။ အဆိုပါ ဆွေးနွေးပွဲတွင် AMRO မစ်ရှင်အနေဖြင့် မြန်မာနိုင်ငံ၏ ၂၀၁၉-၂၀၂၀ခု၊ ဘဏ္ဍာရေးနှစ်၏ဆောင်ရွက်ထားရှိမှု အခြေအနေများ၊ လိုငွေဖြည့်ဆည်းမှုအခြေအနေများ၊ ဦးစားပေး အသုံးစရိတ်များ၊  နိုင်ငံတော်ပိုင်စီးပွားရေးအဖွဲ့အစည်းများ၏ ငွေကြေးစီမံခန့်ခွဲမှု အခြေအနေများ၊  ဘဏ္ဍာငွေခွဲဝေချထားပေးမှု အခြေအနေများနှင့် စပ်လျဉ်း၍ ဆွေးနွေးခဲ့ပါသည်။