ကချင်ပြည်နယ်ရင်းနှီးမြှုပ်နှံမှုကော်မတီ၏ (၆/၂၀၁၈) ကြိမ်မြောက် အစည်းအဝေးကျင်းပခဲ့ခြင်း

ကချင်ပြည်နယ်ရင်းနှီးမြှုပ်နှံမှုကော်မတီ၏ (၆/၂၀၁၈) ကြိမ်မြောက် အစည်းအဝေးကို ၂၀၁၈ ခုနှစ်  နိုဝင်ဘာလ ၁၂ ရက်နေ့တွင် ကချင်ပြည်နယ်အစိုးရအဖွဲ့ရုံး၌ ကျင်းပပြုလုပ်ခဲ့ရာ ကချင်ပြည်နယ်ဝန်ကြီးချုပ်၊ ကချင်ပြည်နယ် ရင်းနှီးမြှုပ်နှံမှုကော်မတီ ဥက္ကဋ္ဌ ဒေါက်တာခက်အောင် အပါအဝင် ကော်မတီအဖွဲ့ဝင်များ တက်ရောက်၍ တင်ပြလာသည့် ရင်းနှီးမြှုပ်နှံမှုလုပ်ငန်း (၂) ခုဖြစ်သည့် “ဖော့အိတ် ဖော့ပြားထုတ်လုပ်ခြင်း လုပ်ငန်း”နှင့် “သီးနှံများအအေးပေးသိုလှောင်ဝန်ဆောင်မှုလုပ်ငန်း ” တို့အား ခွင့်ပြုရန် ဆုံးဖြတ်ခဲ့ပြီး အဆိုပါ လုပ်ငန်းများမှ ပြည်တွင်းအလုပ်အကိုင် အခွင့်အလမ်းပေါင်း (၁၁၅) ခုအား ဖန်တီးပေးနိုင်မည်ဖြစ်ပါသည်။