ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန၏ လိုအပ်ချက်များ၊ ဖြည့်စွက်ဆောင်ရွက် သင့်သည့်အချက်များကို ဆွေးနွေးအဖြေရှာခြင်းအားဖြင့် ပိုမိုကောင်းမွန်သည့် လုပ်ထုံးလုပ်နည်းများနှင့် စီးပွားရေးဝန်းကျင်ကောင်းတစ်ခု ဖော်ဆောင်ပေးနိုင်ရန် ရည်ရွယ်၍ နိုင်ငံတော်၏ အတိုင်ပင်ခံပုဂ္ဂိုလ် ၏ ဥပဒေအကြံပေး ဦးရောဘတ်စန်းဖေမှ ပေးပို့သော အကြံပြုချက်များနှင့် စပ်လျဉ်းသည့် ဆွေးနွေးပွဲ အခမ်းအနားကို ရန်ကုန်(ရုံးချုပ်)၌ ၂၀၁၈ ခုနှစ် သြဂုတ်လ ၂ ရက်နေ့ မွန်းလွဲ ၂ နာရီတွင် ကျင်းပ ပြုလုပ်ခဲ့ပါသည်။ အဆိုပါ အခမ်းအနားကို ဒုတိယညွှန်ကြားရေးမှူးချုပ် ဦးသန့်စင်လွင် တက်ရောက်၍ အဖွင့်အမှာစကားပြောကြားခဲ့ပါသည်။အခမ်းအနားသို့ ဒုတိယညွှန်ကြားရေးမှူးချုပ်နှင့် ညွှန်ကြားရေး မှူးများ အပါအဝင် အရာထမ်း၊ အမှုထမ်း စုစုပေါင်း (၁၁၀) ဦး တက်ရောက်ခဲ့ပါသည်။