ဟောင်ကောင်တွင် ကျင်းပလျက်ရှိသည့် တတိယအကြိမ် ရပ်ဝန်းနှင့်လမ်းကြောင်းညီလာခံ

ပြည်ထောင်စုအစိုးရအဖွဲ့ရုံးဝန်ကြီးဌာန ပြည်ထောင်စုဝန်ကြီး၊ မြန်မာနိုင်ငံရင်းနှီးမြှုပ်နှံမှု ကော်မရှင် ဥက္ကဋ္ဌ ဦးသောင်းထွန်း ဦးဆောင်သော မြန်မာကိုယ်စားလှယ်အဖွဲ့သည် ဟောင်ကောင်၌ ၂၇-၆-၂၀၁၈ ရက်နေ့မှ ၂၉-၆-၂၀၁၈ ရက်နေ့အထိ ပြုလုပ်ကျင်းပလျက်ရှိသည့် တတိယအကြိမ် ရပ်ဝန်းနှင့်လမ်းကြောင်းညီလာခံသို့ တက်ရောက်လျက်ရှိပါသည်။

၂၀၁၈ ခုနှစ် ဇူလိုင်လ ၂၇ ရက်နေ့တွင် ကျင်းပသော ရပ်ဝန်းနှင့်လမ်းကြောင်းကမ္ဘာ့ ဖိုရမ်၌ မြန်မာနိုင်ငံရင်းနှီးမြှုပ်နှံမှုကော်မရှင် ဥက္ကဋ္ဌ ဦးသောင်းထွန်းက အမှာစကား ပြောကြားခဲ့ ပါသည်။

ညနေပိုင်း၌ ဟောင်ကောင်ရှိ မြန်မာကောင်စစ်ဝန်ချုပ်ရုံးသည် Marga Group နှင့် ပူးပေါင်းလျက် မြန်မာကိုယ်စားလှယ်အဖွဲ့အား ညစာဖြင့် ကြိုဆိုဧည့်ခံခဲ့ပါသည်။