ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန၊ AustCham Myanmar နှင့် မြန်မာနိုင်ငံ လူငယ်စွန့် ဦးတီထွင် လုပ်ငန်းရှင်များအသင်းတို့ ပူးပေါင်းကျင်းပသည့် မြန်မာနိုင်ငံကုမ္ပဏီများဥပဒေ (၂၀၁၇) ရှင်းလင်းပွဲ အခမ်းအနားကို ၂၀၁၈ ခုနှစ်၊ မေလ ၃၀ရက်နေ့ နေ့လည်ပိုင်းတွင် မန္တလေးမြို့၊ Hilton Hotel ၌ ကျင်းပပြုလုပ်ခဲ့ပါသည်။ အဆိုပါ အခမ်းအနားသို့ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှုဦးစီးဌာန ညွှန်ကြားရေးမှူးချုပ် ဦးအောင်နိုင်ဦး၊ မန္တလေးတိုင်းဒေသကြီး လူငယ်စွန့်ဦး တီထွင် လုပ်ငန်းရှင်များအသင်း အဖွဲ့ဝင်များ၊ ပုဂ္ဂလိက အသင်းများနှင့် စီးပွားရေးအဖွဲ့အစည်းများမှ ဖိတ်ကြားထားသူများ၊ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန တိုင်းနှင့် ပြည်နယ်ရုံးခွဲများ မှ တာဝန်ရှိသူများနှင့် AustCham Myanmar မှ ဥပဒေရေးရာ အကြံပေးများ စုစုပေါင်း(၄၀)ဦးခန့် တက်ရောက်ကြပါသည်။