အဆင့်မြင့်ကွန်ပျူတာသင်တန်းအမှတ်စဉ် (၁/၂၀၁၈) သင်တန်းဆင်းပွဲအခမ်းအနား နေပြည်တော်၊ ဇန်နဝါရီ ၈၊ ၂၀၁၉

, , ,

ဗဟိုစက်ပစ္စည်းစာရင်းအင်းနှင့် စစ်ဆေးရေးဦးစီးဌာနမှ အဆင့်မြင့် ကွန်ပျူတာသင်တန်း အမှတ်စဉ်(၁/၂၀၁၈) သင်တန်းဆင်းပွဲအခမ်းအနားကို (၈.၁.၂၀၁၉) ရက်နေ့ (၁၄:၀၀) နာရီတွင် ရုံးအမှတ်(၃၂)၊ အစည်းအဝေးခန်းမ၊ နေပြည်တော်၌ ကျင်းပခဲ့ပါသည်။ အခမ်းအနားတွင် ညွှန်ကြားရေးမှူးချုပ် ဦးဟန်ဝင်းအောင်မှ သင်တန်းဖွင့် အမှာစကား ပြောကြားခဲ့ပါသည်။ ထို့နောက် Soft iT Asia Co,.Ltd မှ နည်းပြ ဦးအောင်သူရမှ သင်ကြားခဲ့သည့် ဘာသာရပ် များနှင့်ပတ်သက်၍ ရှင်းလင်းတင်ပြသွားပါသည်။

ထို့နောက် ညွှန်ကြားရေးမှူးချုပ်နှင့် ဒုတိယညွှန်ကြားရေးမှူးချုပ်များမှ သင်တန်းတွင် ထူးချွန်ဆု ရရှိသူ (၃) ဦးအား ဆုများ ပေးအပ်ချီးမြှင့်ခဲ့ပါသည်။ ထို့နောက် ညွှန်ကြားရေးမှူးချုပ်မှ သင်တန်းခေါင်းဆောင်အား သင်တန်းဆင်းလက်မှတ် များကို ပေးအပ်ခဲ့ပါသည်။

အခမ်းအနားသို့ ဦးစီးဌာနမှ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ အရာထမ်း၊ အမှုထမ်းများ၊ Soft iT Asia Co,.Ltd မှ နည်းပြများနှင့် သင်တန်းသား/သင်တန်းသူ များတက်ရောက်ခဲ့ပါသည်။

အဆိုပါသင်တန်းကို (၈.၁၀.၂၀၁၈) ရက်နေ့မှစ၍ (၆) ပတ်ကြာ သင်ကြားခဲ့ပြီး ဌာနမှ  သင်တန်းသား၊ သင်တန်းသူ (၁၂) ဦး တက်ရောက်ခဲ့ပါသည်။