_0.png)
, 
, 
, 
ဗဟိုစက်ပစ္စည်းစာရင်းအင်းနှင့် စစ်ဆေးရေးဦးစီးဌာနမှ အခြေခံ ကွန်ပျူတာသင်တန်း အမှတ်စဉ် (၁/၂၀၁၈) သင်တန်းဆင်းပွဲအခမ်းအနားကို (၂၉.၆.၂၀၁၈)ရက်နေ့ (၁၃:၀၀)နာရီတွင် ရုံးအမှတ် (၃၂)၊ အစည်းအဝေးခန်းမ၊ နေပြည်တော်၌ ကျင်းပခဲ့ပါသည်။ အခမ်းအနားတွင် ညွှန်ကြားရေးမှူးချုပ် ဦးဟန်ဝင်းအောင်မှ သင်တန်းဆင်း အမှာစကား ပြောကြားခဲ့ပါသည်။ ထို့နောက် ညွှန်ကြားရေးမှူးချုပ်နှင့် ဒုတိယညွှန်ကြားရေးမှူးချုပ်တို့မှ သင်တန်းတွင် ထူးချွန်ဆု ရရှိသူ (၂) ဦးအား ဆုများ ပေးအပ်ချီးမြှင့်ပြီး သင်တန်းဆင်းလက်မှတ်များကို ပေးအပ်ခဲ့ပါသည်။
အခမ်းအနားသို့ ဦးစီးဌာနမှ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများ၊ အရာထမ်း၊ အမှုထမ်းများနှင့် သင်တန်းသား/ သင်တန်းသူများ တက်ရောက်ခဲ့ပါသည်။
အဆိုပါ သင်တန်းကို (၅.၄.၂၀၁၈) ရက်နေ့မှစ၍ (၈) ပတ်ကြာ သင်ကြားခဲ့ပြီး ဌာနမှ သင်တန်းသား၊ သင်တန်းသူ (၁၂) ဦး တက်ရောက်ခဲ့ပါသည်။