စီမံကိန်းနှင့် ဘဏ္ဍာရေးဝန်ကြီးဌာန၊ နိုင်ငံခြားစီးပွားဆက်သွယ်ရေးဦးစီးဌာနနှင့် ပြင်သစ်နိုင်ငံ ဖွံ့ဖြိုးတိုးတက်ရေးအဖွဲ့ (AFD) တို့အကြား Mid-Term Review Meeting ကျင်းပခြင်း

, ,

စီမံကိန်းနှင့် ဘဏ္ဍာရေးဝန်ကြီးဌာန၊  နိုင်ငံခြားစီးပွားဆက်သွယ်ရေး ဦးစီးဌာနနှင့် ပြင်သစ်နိုင်ငံ ဖွံ့ဖြိုးတိုးတက်ရေးအဖွဲ့ (French Development Agency- AFD) တို့အကြား Mid-Term Review Meeting ကို ၁၁-၆-၂၀၁၈ ရက်နေ့၊ နံနက် ၉:၀၀ နာရီအချိန်တွင်  စီမံကိန်းနှင့်  ဘဏ္ဍာရေးဝန်ကြီးဌာန၊ ရုံးအမှတ်(၁) အစည်းအဝေးခန်းမ၌ ကျင်းပခဲ့ပါသည်။

အဆိုပါ အစည်းအဝေးသို့ စီမံကိန်းနှင့် ဘဏ္ဍာရေးဝန်ကြီးဌာန၊ အမြဲတမ်းအတွင်းဝန် ဦးထွန်းထွန်းနိုင်၊ နိုင်ငံခြားစီးပွားဆက်သွယ်ရေးဦးစီးဌာနမှ ဒုတိယညွှန်ကြားရေးမှူးချုပ် ဦးထွန်းဇော်၊ သက်ဆိုင်ရာဌာနများမှ တာဝန်ရှိ ပုဂ္ဂိုလ်များ၊ ပြင်သစ်နိုင်ငံဘက်မှ မြန်မာနိုင်ငံဆိုင်ရာ ပြင်သစ်နိုင်ငံ သံအမတ်ကြီး H.E. Mr. Olivier Richard ၊ AFD ရုံးချုပ်မှ အာရှဌာန ဒုတိယညွှန်ကြားရေးမှူး  Mrs. Francoise Chalier၊ ဒေသဆိုင်ရာ ညွှန်ကြားရေးမှူး    Mrs. Ariane Ducreux ၊ ရန်ကုန်မြို့ရှိ  AFD ရုံးမှ အကြီးအကဲ Mr. Ghislain Rieb နှင့် တာဝန်ရှိပုဂ္ဂိုလ်များ၊ စုစုပေါင်း ကိုယ်စားလှယ် (၄၀) ဦးခန့် တက်ရောက်ခဲ့ပါသည်။

အဆိုပါ အစည်းအဝေးတွင် စီမံကိန်းနှင့် ဘဏ္ဍာရေးဝန်ကြီးဌာန၊ အမြဲတမ်းအတွင်းဝန်နှင့်  မြန်မာနိုင်ငံဆိုင်ရာ ပြင်သစ်နိုင်ငံ သံအမတ်ကြီး H.E. Mr. Olivier Richard တို့မှ အဖွင့် အမှာစကား ပြောကြားခဲ့ပါသည်။

အစည်းအဝေးတွင် မြန်မာနိုင်ငံ၏ ဖွံ့ဖြိုးမှုအကူအညီ ဦးစားပေးနှင့် ညှိနှိုင်းဆောင်ရွက်မှုများ၊ AFD ၏ အာရှဒေသဆိုင်ရာ မဟာဗျူဟာ၊ AFD မှ မြန်မာနိုင်ငံတွင် အကောင်အထည်ဖော် ဆောင်ရွက် လျက်ရှိသော စီမံချက်များ၏ တိုးတက်မှုအခြေအနေများ၊ ရင်ဆိုင်ကြုံတွေ့နေရသည့်စိန်ခေါ်မှုများ၊ ရှေ့ ဆက်လက်ဆောင်ရွက်မည့် စီမံချက်များနှင့် စပ်လျဉ်း၍ သက်ဆိုင်ရာ ဌာနများနှင့် AFD တို့အကြား ရင်းနှီးပွင့်လင်းစွာ ဆွေးနွေးခဲ့ကြပြီး လေ့လာမှုနှင့် စွမ်းဆောင်ရည်မြင့်တင်ရေး ရန်ပုံငွေ အကူအညီပေး အပ်ရေး သဘောတူစာချုပ် (Financing Agreement -FERC II) ကို စီမံကိန်းနှင့် ဘဏ္ဍာရေး ဝန်ကြီးဌာန ကိုယ်စား နိုင်ငံခြားစီးပွားဆက်သွယ်ရေး ဦးစီးဌာန၊ ညွှန်ကြားရေးမှူးချုပ် နှင့် AFD မှ Deputy Director of Asia Department တို့မှ လက်မှတ်ရေးထိုးခဲ့ကြပါသည်။