_0.png)
စီမံကိန်းနှင့်ဘဏ္ဍာရေးဝန်ကြီးဌာန၊ အမျိုးသားမှတ်တမ်းများမော်ကွန်းတိုက်ဦးစီးဌာန (နေပြည်တော်ရုံးချုပ်)၌ မှတ်တမ်းစီမံခန့်ခွဲမှုနှင့် မော်ကွန်းပညာပြန့်ပွားရေး သင်တန်းအမှတ်စဉ် (၂/၂၀၁၈) သင်တန်းဆင်းပွဲကို ၁၄-၁၂-၂၀၁၈ (သောကြာနေ့) နံနက်(၁၁:၃၀) နာရီတွင် အမျိုးသား မှတ်တမ်းများမော်ကွန်းတိုက်ဦးစီးဌာန (နေပြည်တော်) ရှင်းလင်းဆောင်၌ ကျင်းပခဲ့ပါသည်။
သင်တန်းဆင်းပွဲသို့ အမျိုးသားမှတ်တမ်းများမော်ကွန်းတိုက်ဦးစီးဌာန ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်၊ ဆရာမကြီးဒေါ်တင်ဘုန်းနွယ် (စာကြည့်တိုက်မှူး-ငြိမ်း)၊ သင်တန်း နည်းပြများ၊ ဖိတ်ကြားထားသူများနှင့် သင်တန်းသား/ သင်တန်းသူများ တက်ရောက် ခဲ့ပါသည်။
သင်တန်းဆင်းပွဲတွင် အမျိုးသားမှတ်တမ်းများမော်ကွန်းတိုက်ဦးစီးဌာန၊ ညွှန်ကြားရေးမှူးချုပ် ဦးဆန်းမြင့်မှ သင်တန်းဆင်းအမှာစကား ပြောကြားပြီး ဆရာမကြီးဒေါ်တင်ဘုန်းနွယ် (စာကြည့် တိုက်မှူး-ငြိမ်း) အား ဂုဏ်ပြုလက်မှတ်နှင့် သင်တန်းသား/သင်တန်းသူများအား သင်တန်းဆင်း လက်မှတ်များ ပေးအပ်ခဲ့ပါသည်။ သင်တန်းသို့ ပြည်ထောင်စုအဆင့် အဖွဲ့အစည်းများ၊ ပြည်ထောင်စုဝန်ကြီးဌာနများ၏ ဦးစီးဌာန/လုပ်ငန်း/အဖွဲ့အစည်းများမှ သင်တန်းသား/သူ(၄၇) ဦး တက်ရောက်ကြပြီး သင်တန်းကာလမှာ ရက်သတ္တတစ်ပတ် ဖွင့်လှစ်ခဲ့ပါသည်။
, 