အိန္ဒိယ - မြန်မာ နှစ်နိုင်ငံ ယဉ်ကျေးမှုပူးပေါင်းဖလှယ်ရေး အစီအစဉ်အရ “The Seminar on Archives Administrations, Records Management and Manuscriptology” ဆွေးနွေးပွဲကို အမျိုးသားမှတ်တမ်းများမော်ကွန်းတိုက်ဦးစီးဌာန (ရန်ကုန်ရုံးခွဲ)တွင် ၁၂-၁၁-၂၀၁၈နေ့ နံနက် (၁၀:၀၀)နာရီတွင် ကျင်းပခဲ့ပါသည်။

          အခမ်းအနားတွင် အမျိုးသားမှတ်တမ်းများမော်ကွန်းတိုက်ဦးစီးဌာန (ရန်ကုန်ရုံးခွဲ)မှ ဒုတိယညွှန်ကြားရေးမှူးချုပ် ဒေါ်သီတာမြင့်က ဆွေးနွေးပွဲကျင်းပရခြင်းနှင့် ပတ်သက်၍ ရှင်းလင်းပြောကြားခဲ့ပြီး မြန်မာနိုင်ငံဆိုင်ရာ အိန္ဒိယသံရုံး၊ Swami Vivekananda Cultural Center မှ ဒါရိုက်တာ Dr. Asawari Bapat က မော်ကွန်း၊ မှတ်တမ်းစီမံခန့်ခွဲမှုနှင့် မော်ကွန်းတိုက် စီမံခန့်ခွဲခြင်း ပညာရပ်ဆိုင်ရာများကို ဆွေးနွေးခဲ့ပါသည်။

          အဆိုပါဆွေးနွေးပွဲအား အမှတ် ၁၁၄၊ ပြည်ထောင်စု ရိပ်သာလမ်းရှိ အမျိုးသားမှတ်တမ်းများမော်ကွန်းတိုက်ဦးစီးဌာန (ရန်ကုန်ရုံးခွဲ)တွင် ၁၂-၁၁-၂၀၁၈ နေ့မှ ၁၃-၁၁-၂၀၁၈ နေ့အထိ (၂)ရက် ကျင်းပမည်ဖြစ်ပြီး ၁၂-၁၁-၂၀၁၈ နေ့တွင် မှတ်တမ်းစီမံခန့်ခွဲမှု၊ မော်ကွန်းအုပ်ချုပ်မှုဆိုင်ရာ ပညာရပ်များကိုလည်းကောင်း၊ ၁၃-၁၁-၂၀၁၈ နေ့တွင် လက်ရေးမူများ ထိန်းသိမ်းမှုဆိုင်ရာ ပညာရပ်များကိုလည်းကောင်း ဆွေးနွေးသွားမည်ဖြစ်ပါသည်။

          ယနေ့ကျင်းပသည့် အခမ်းအနားသို့ အမျိုးသားမှတ်တမ်းများမော်ကွန်းတိုက်ဦးစီးဌာန (နေပြည်တော်နှင့် ရန်ကုန်)ရုံးများမှ အရာထမ်း၊ အမှုထမ်း (၅၅)ဦး တက်ရောက်ခဲ့ကြောင်း သတင်းရရှိပါသည်။