စီမံကိန်းနှင့် ဘဏ္ဍာရေးဝန်ကြီးဌာန၊ အမျိုးသားမှတ်တမ်းများ မော်ကွန်းတိုက် ဦးစီးဌာန၊ အုပ်ချုပ်မှုနှင့်ဖွံ့ဖြိုးမှုပညာဘွဲ့လွန် သင်တန်းဌာန၌ ဖွင့်လှစ်သည့် မှတ်တမ်းနှင့်မော်ကွန်း စီမံခန့်ခွဲမှုသင်တန်းဆင်းပွဲကို ၂၀၁၈ ခုနှစ် ဇူလိုင်လ (၁၃)ရက်နေ့ နံနက် (၁၁:၃၀) နာရီတွင် အမျိုးသားမှတ်တမ်းများ မော်ကွန်းတိုက်ဦးစီးဌာန အစည်းအဝေး ခန်းမ (၁) တွင် ကျင်းပပြုလုပ်ခဲ့ပါသည်။

        အခမ်းအနားတွင် အမျိုးသားမှတ်တမ်းများမော်ကွန်းတိုက်ဦးစီးဌာန ညွှန်ကြားရေးမှူးချုပ် ဦးဆန်းမြင့်က သင်တန်းဆင်း အမှာစကားပြောကြားပြီး ဒုတိယ ညွှန်ကြားရေးမှူးချုပ်/ကျောင်းအုပ်ကြီး ဦးရဲညွန့်၊ ညွှန်ကြားရေးမှူးများ၊ သင်တန်းဆရာ/ဆရာမများနှင့်  သင်တန်းသား/သင်တန်းသူများ တက်ရောက်ခဲ့ပါသည်။ ထို့နောက်ညွှန်ကြားရေးမှူးချုပ်နှင့် ဒုတိယညွှန်ကြားရေးမှူးချုပ်တို့မှ သင်တန်းဆင်းလက်မှတ်များ ပေးအပ်ခဲ့ပါသည်။

        အဆိုပါသင်တန်းအား ၂၀၁၈ ခုနှစ် ဇူလိုင်လ (၉) ရက်နေ့မှ ဇူလိုင်လ (၁၃) ရက်နေ့အထိ ဖွင့်လှစ်ခဲ့ပြီး ဝန်ကြီးဌာန အသီးသီးရှိ နိုင်ငံ့ဝန်ထမ်း သင်တန်းသား/သင်တန်းသူ (၅၃) ဦးအား သင်တန်းပို့ချပေးနိုင်ခဲ့ပါသည်။