စီမံကိန်းနှင့်ဘဏ္ဍာရေးဝန်ကြီးဌာန၊ အမျိုးသားမှတ်တမ်းများမော်ကွန်းတိုက်ဦးစီးဌာန ၊  အုပ်ချုပ်မှုနှင့်ဖွံ့ဖြိုးမှုပညာ ဘွဲ့လွန်သင်တန်းဌာန(GSAD)တွင် မိတ္ထီလာစီးပွားရေးတက္ကသိုလ်မှ ဖွင့်လှစ်သည့် ပြည်သူ့ရေးရာစီမံခန့်ခွဲမှုမဟာဘွဲ့(MPA) နှင့် စီးပွားရေးလုပ်ငန်းစီမံခန့်ခွဲမှုမဟာဘွဲ့ (MBA)သင်တန်းဖွင့်ပွဲ အခမ်းအနားကို နေပြည်တော်၊ ရာဇသင်္ဂဟလမ်းရှိ အမျိုးသားမှတ်တမ်း များမော်ကွန်းတိုက်ဦးစီးဌာန ၌    ၁၄-၇-၂၀၁၈ ရက်နေ့ နံနက် ၉:၃၀ နာရီတွင် ကျင်းပခဲ့ပါသည်။

အခမ်းအနားသို့ စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးစိုးဝင်း၊ ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီး၊ စီမံကိန်းနှင့်ဘဏ္ဍာရေး ဝန်ကြီးဌာန ဒုတိယဝန်ကြီး ဦးမောင်မောင်ဝင်း၊ စီမံကိန်းနှင့်ဘဏ္ဍာရေးဝန်ကြီးဌာန အမြဲတမ်း အတွင်းဝန် ဦးထွန်းထွန်းနိုင်၊ မိတ္ထီလာစီးပွားရေးတက္ကသိုလ် ပါမောက္ခချုပ် ဒေါက်တာတင်ဝင်း၊ ညွှန်ကြားရေးမှူးချုပ်များ၊ ပါမောက္ခ/ဌာနမှူးများ၊ ပို့ချဆရာ/ဆရာမများ၊ သင်တန်းသား သင်တန်းသူများ တက်ရောက် ကြပါသည်။

အခမ်းအနားတွင် စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးစိုးဝင်းမှ အဖွင့်အမှာစကားပြောကြားပြီးပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီး က နှုတ်ခွန်းဆက်စကားပြောကြားခဲ့ပါသည်။

ဆက်လက်၍ မိတ္ထီလာစီးပွားရေးတက္ကသိုလ် ပါမောက္ခချုပ်ဒေါက်တာတင်ဝင်း က သင်တန်း နှင့် စပ်လျဉ်း၍ ရှင်းလင်းတင်ပြပါသည်။

ယခုဖွင့်လှစ်သည့် သင်တန်းများသို့ လွှတ်တော်ကိုယ်စားလှယ်များ၊ အရာထမ်း၊ အမှုထမ်း များ၊ ပုဂ္ဂလိကကဏ္ဍမှ လုပ်ငန်းရှင်များ၊ NGOs၊ INGOs မှ ဝန်ထမ်းများ ပါဝင်တက်ရောက်လျက်ရှိပြီး MPA သင်တန်းတွင်  သင်တန်းသား၊ သင်တန်းသူ (၂၁၂) ဦး နှင့် MBA သင်တန်းတွင် (၂၀၀)ဦး တက်ရောက်လျက်ရှိပြီး သင်တန်းကာလမှာ (၂) နှစ် ကြာမြင့်မည်ဖြစ်ပါသည်။

စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးစိုးဝင်း အဖွင့်အမှာစကားပြောကြားစဉ်

ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီး နှုတ်ခွန်းဆက်စကားပြောကြားစဉ်

မိတ္ထီလာစီးပွားရေးတက္ကသိုလ် ပါမောက္ခချုပ် ဒေါက်တာတင်ဝင်းမှ သင်တန်းနှင့်စပ်လျဉ်း၍ တင်ပြစဉ်