ဧရာဝတီတိုင်းနှင့် တနင်္သာရီတိုင်းဒေသကြီးများသို့ သွားရောက်၍ မှတ်တမ်း/မော်ကွန်းဆိုင်ရာ အသိပညာပေးနှင့် မှတ်တမ်းရယူရေးလုပ်ငန်းများ ကွင်းဆင်းဆောင်ရွက်

အမျိုးသားမှတ်တမ်းများမော်ကွန်းတိုက်ဦးစီးဌာနသည် ဌာန၏ အဓိကလုပ်ငန်း (၃) ရပ်တွင် တစ်ခုအပါအဝင်ဖြစ်သော မှတ်တမ်းများ ဆုံးရှုံးမှု မရှိစေရေးအတွက် အမျိုးသားမှတ်တမ်းနှင့် မော်ကွန်းဥပဒေအရ လွှဲပြောင်းရယူစုဆောင်းလျှက်ရှိရာ အမျိုးသားမှတ်တမ်းများမော်ကွန်းတိုက်ဦးစီးဌာန (ရန်ကုန်ရုံးခွဲ) မှ ဒုတိယညွှန်ကြားရေးမှူးချုပ် ဒေါ်သီတာမြင့် ဦးဆောင်၍ အဖွဲ့ဝင် (၄) ဦးပါဝင်သော အဖွဲ့သည် ၂၀၁၈ ခုနှစ်၊ မေလ (၂၉) ရက်မှ (၃၀) ရက်နေ့အထိ ဧရာဝတီတိုင်းဒေသကြီး၊ ပုသိမ်မြို့သို့ သွားရောက်၍ လည်းကောင်း၊ အဖွဲ့ဝင်(၂) ဦး ပါဝင်သော အဖွဲ့သည် ၂၀၁၈ ခုနှစ် ဇွန်လ (၁၈) ရက်နေ့မှ (၂၀) ရက်နေ့အထိ တနင်္သာရီတိုင်းဒေသကြီး ထားဝယ်မြို့သို့ သွားရောက်၍ လည်းကောင်း မှတ်တမ်း/မော်ကွန်းဆိုင်ရာ အသိပညာပေးနှင့် မှတ်တမ်းရယူရေး လုပ်ငန်းများကို ကွင်းဆင်း ဆောင်ရွက်ခဲ့ပါသည်။

 

ဧရာဝတီတိုင်းဒေသကြီး၊ ပုသိမ်မြို့အစိုးရအဖွဲ့ရုံး၌ ဌာနဆိုင်ရာအဆင့်မြင့် အရာထမ်းအမှုထမ်း (၆၂) ဦးအားလည်းကောင်း၊ တနင်္သာရီတိုင်းဒေသကြီး၊ ထားဝယ်မြို့၊ မြို့တော်ခန်းမတွင် တိုင်းဒေသကြီးအတွင်းရှိ ဌာနဆိုင်ရာများမှ တိုင်းဦးစီးမှူးများ၊ အဆင့်မြင့်အရာရှိကြီးများအား မှတ်တမ်း/မော်ကွန်းဆိုင်ရာ အသိပညာပေး ဆွေးနွေးမှုများ ဆောင်ရွက်ခဲ့ပါသည်။ ထို့ပြင် တနင်္သာရီတိုင်းဒေသကြီးအတွင်းရှိ ဌာနအသီးသီးမှ အရာထမ်းနှင့် အမှုထမ်း (၁၂၀) ဦးအား မှတ်တမ်းထိန်းသိမ်းရေးရက်တိုသင်တန်းအား သင်ကြားပို့ချပေး ခဲ့ပါသည်။

 

အဆိုပါ ခရီးစဉ်များအတွင်း ဦးစီးဌာနအသီးသီးမှ လွှဲပြောင်းပေးသောစာတွဲများ၊ နှစ်ချုပ်အစီရင်ခံစာများနှင့် ဓါတ်ပုံများကို စိစစ်လွှဲပြောင်းလက်ခံရရှိခဲ့ပါသည်။

မှတ်တမ်း/မော်ကွန်းဆိုင်ရာ အသိပညာပေးရက်တိုသင်တန်း (တနင်္သာရီတိုင်းဒေသကြီး၊ ထားဝယ်မြို့) မြို့တော်ခန်းမတွင် အမျိုးသားမှတ်တမ်းများ မော်ကွန်းတိုက်ဦးစီးဌာန ဒုတိယညွှန်ကြားရေးမှူးချုပ် ဒေါ်သီတာမြင့်က သင်တန်းသားများအား သင်တန်းပို့ချပေးစဉ်