စီမံကိန်းနှင့်ဖွဲ့စည်းပုံစိစစ်ရေးအဖွဲ့၏(၁/၂၀၁၉)ကြိမ်မြောက်အစည်းအဝေးကျင်းပ နေပြည်တော်၊ မေ ၁၆

, ,

စီမံကိန်းနှင့်ဖွဲ့စည်းပုံစိစစ်ရေးအဖွဲ့၏ (၁/၂၀၁၉)ကြိမ်မြောက် အစည်းအဝေးကို ၁၆-၅-၂၀၁၉ ရက်နေ့(၁၃:၀၀)နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၂၆) အစည်းအဝေးခန်းမ၌ ကျင်းပခဲ့ရာ စီမံကိန်းနှင့်ဖွဲ့စည်းပုံစိစစ်ရေးအဖွဲ့၊ ဥက္ကဋ္ဌ၊ စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး ဦးစိုးဝင်း၊ ဒုတိယဥက္ကဋ္ဌ၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေ ၊ စီမံကိန်းနှင့်ဘဏ္ဍာရေးဝန်ကြီးဌာန အမြဲတမ်းအတွင်းဝန်နှင့် စီမံကိန်းနှင့်ဖွဲ့စည်းပုံစိစစ်ရေးအဖွဲ့၊ အဖွဲ့ဝင်များ တက်ရောက်ခဲ့ပြီး သဘာပတိအဖြစ် စီမံကိန်းနှင့်ဖွဲ့စည်းပုံစိစစ်ရေးအဖွဲ့၊ အတွင်းရေးမှူး၊ စီမံကိန်းစိစစ်ရေးနှင့် တိုးတက်မှုအစီရင်ခံရေးဦးစီးဌာန၊ ညွှန်ကြားရေးမှူးချုပ်က တာဝန်ယူ ဆောင်ရွက်ခဲ့ပါသည်။
အစည်းအဝေးတွင် နိုင်ငံတော်စီးပွားရေးရာ ပေါင်းစပ်ညှိနှိုင်းရေး ကော်မတီရုံး ဖွဲ့စည်းပုံ(၁)ခု၊ ကျန်းမာရေးနှင့်အားကစားဝန်ကြီးဌာနမှ အဆိုပြုတင်ပြလာသည့် ဖွဲ့စည်းပုံ(၄)ခုနှင့် ပညာရေး ဝန်ကြီးဌာနမှ အဆိုပြုတင်ပြလာသည့် ဖွဲ့စည်းပုံ(၁)ခု၊ စုစုပေါင်း အဆိုပြုဖွဲ့စည်းပုံ (၆)ခုကို ထောက်ခံ ဆွေးနွေးခဲ့ပါသည်။