စီမံကိန်းနှင့်ဖွဲ့စည်းပုံစိစစ်ရေးအဖွဲ့၏(၄/၂၀၁၇)ကြိမ်မြောက်အစည်းအဝေးနှင့် (၁/၂၀၁၇) ကြိမ်မြောက် ဝန်ထမ်းသစ်ခန့်ထားရေး ညှိနှိုင်းအစည်းအဝေး ကျင်းပ

,

စီမံကိန်းနှင့်ဖွဲ့စည်းပုံစိစစ်ရေးအဖွဲ့၏ (၄/၂၀၁၇)ကြိမ်မြောက်အစည်းအဝေးနှင့် (၁/၂၀၁၇) ကြိမ်မြောက် ဝန်ထမ်းသစ် ခန့်ထားရေးညှိနှိုင်းအစည်းအဝေးကို ၇-၁၁-၂၀၁၇ ရက်နေ့ နေ့လယ် (၁၃း၀၀)နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ အစည်းအဝေးခန်းမတွင် ကျင်းပခဲ့ရာ စီမံကိန်းနှင့်ဖွဲ့စည်းပုံစိစစ်ရေးအဖွဲ့၊ ဥက္ကဋ္ဌ၊ စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး၊  ဦးကျော်ဝင်း တက်ရောက်၍ အမှာစကားပြောကြားပါသည်။

အစည်းအဝေးတွင် ပြည်ထောင်စုငြိမ်းချမ်းရေး ဖော်ဆောင်ရေးလုပ်ငန်းများ အကောင် အထည်ဖော်ဆောင်ရွက်ရာတွင် ထိရောက်အောင်မြင်စွာဆောင်ရွက်နိုင်ရန်အတွက် နိုင်ငံတော် အတိုင်ပင်ခံရုံးဝန်ကြီးဌာန၏ ဖွဲ့စည်းပုံ တိုးချဲ့ဖွဲ့စည်းခြင်းနှင့် ပြည်သူများ၏ တရားဥပဒေစိုးမိုးရေး၊ ပညာရေး၊ ကျန်းမာရေး၊ အသက်မွေးဝမ်းကျောင်းလုပ်ငန်းများနှင့် ဝန်ဆောင်မှုလုပ်ငန်းများ ထိရောက်စွာဆောင်ရွက်နိုင်ရန် ပြည်ထောင်စုအဆင့်အဖွဲ့အစည်းများနှင့် ဝန်ကြီးဌာနများတွင် ဝန်ထမ်းသစ်များ ခန့်ထားရေးဆောင်ရွက်နိုင်ရေးအတွက် ဆွေးနွေး ညှိနှိုင်းခဲ့ပါသည်။