စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းစိစစ်ရေးနှင့်တိုးတက်မှုအစီရင်ခံရေး ဦးစီးဌာန၏ “ပြည်သူ့စစ်မှုထမ်း ဥပဒေကို ကျယ်ကျယ်ပြန့်ပြန့် သိရှိစေရေး ရှင်းလင်းအသိပညာပေးဆွေးနွေးပွဲ” ကျင်းပပြုလုပ်ခြင်း

နေပြည်တော် (၂၀၂၄ ခုနှစ်၊ မတ်လ ၂၈ ရက်)

          စီမံကိန်းနှင့် ဘဏ္ဍာရေးဝန်ကြီးဌာန၊ စီမံကိန်းစိစစ်ရေးနှင့် တိုးတက်မှုအစီရင်ခံရေး ဦးစီးဌာန၏ (၃/၂၀၂၄) ကြိမ်မြောက် ဝန်ထမ်းထုတွေ့ဆုံဆွေးနွေးဆန္ဒဖော်ထုတ်ပွဲအခမ်းအနားနှင့် “ပြည်သူ့စစ်မှုထမ်းဥပဒေကို ကျယ်ကျယ်ပြန့်ပြန့် သိရှိစေရေး ရှင်းလင်းအသိပညာပေး ဆွေးနွေးပွဲ” တို့ကို ၂၈-၃-၂၀၂၄ ရက်နေ့ (ကြာသပတေးနေ့) နံနက် (၁၀:၀၀) နာရီ အချိန်တွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၃၂)၊ အစည်းအဝေးခန်းမ (အောက်ထပ်) ၌ ကျင်းပပြုလုပ်ခဲ့ပါသည်။

          အခမ်းအနားသို့ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် အရာထမ်း/ အမှုထမ်းများ တက်ရောက်ကြပါသည်။ အခမ်းအနားတွင် ဒုတိယညွှန်ကြားရေးမှူးချုပ်များက အဖွင့်အမှာစကား ပြောကြားပြီးနောက် အခမ်းအနားအစီအစဉ် (၄) အရ “ပြည်သူ့စစ်မှုထမ်းဥပဒေကို ကျယ်ကျယ်ပြန့်ပြန့် သိရှိစေရေး ရှင်းလင်းအသိပညာပေး ဆွေးနွေးပွဲ” ကို ဥပဒေရေးရာဌာနစုမှ ဦးစီးအရာရှိ ဒေါ်သဲနုအောင်က ကနဦး ရှင်းလင်းဆွေးနွေးမှုပြုလုပ်ပြီးနောက် ဒုတိယညွှန်ကြားရေးမှူးချုပ်များက ပြည်သူ့စစ်မှုထမ်းဥပဒေပါ ပြဋ္ဌာန်းချက်များနှင့် စပ်လျဉ်း၍ ဖြည့်စွက်ရှင်းလင်း ဆွေးနွေးပြောကြားပါသည်။ အခမ်းအနားသို့ တက်ရောက်လာကြသော အရာထမ်း/ အမှုထမ်းများက ပြည်သူ့စစ်မှုထမ်းဥပဒေပါ ပြဋ္ဌာန်းချက်များနှင့် စပ်လျဉ်း၍ သိရှိလိုသည့် အချက်များကို အပြန်အလှန် ဆွေးနွေးမေးမြန်းမှုများ  ပြုလုပ်ခဲ့ပြီး အခမ်းအနားကို နေ့လယ် (၁၁:၄၅) နာရီအချိန်တွင် ရုပ်သိမ်းခဲ့ပါသည်။