စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းစိစစ်ရေးနှင့်တိုးတက်မှုအစီရင်ခံရေးဦးစီးဌာန၏ “၂၀၂၃ ခုနှစ်၊ မီးဘေးအန္တရာယ်ကာကွယ်ရေးဆိုင်ရာ အသိပညာပေးဟောပြောပွဲနှင့် မီးသတ်ဆေးဘူးအသုံးပြုနည်း လက်တွေ့သရုပ်ပြပွဲ” တို့အား ကျင်းပပြုလုပ်ခြင်းနှင့် အရာထမ်း၊ အမှုထမ်းများက တက်ရောက်၍ လက်တွေ့သရုပ်ပြဆောင်ရွက်ခြင်း

(နေပြည်တော်)

၂၀၂၃ ခုနှစ်၊ မတ်လ  ၁၀ ရက်

စီမံကိန်းစိစစ်ရေးနှင့်တိုးတက်မှုအစီရင်ခံရေးဦးစီးဌာနအနေဖြင့် မီးဘေးအန္တရယ် ကြိုတင်ကာကွယ်ရေးနှင့် မီးဘေးအန္တရာယ်ကျရောက်လာပါက အဆင်သင့်ရှိစေရေးအတွက် မြန်မာနိုင်ငံ မီးသတ်တပ်ဖွဲ့နှင့် ပူးပေါင်း၍ အသိပညာပေးဟောပြောပွဲနှင့် မီးငြိမ်းသတ်မှု လက်တွေ့သရုပ်ပြပွဲများ နှစ်စဉ်ပြုလုပ်လျက်ရှိရာ “၂၀၂၃ ခုနှစ်၊ မီးဘေးအန္တရာယ်ကာကွယ်ရေးဆိုင်ရာ အသိပညာပေး ဟောပြောပွဲနှင့် မီးသတ်ဆေးဘူးအသုံးပြုနည်း လက်တွေ့သရုပ်ပြပွဲ” ကို  ၁၀-၃-၂၀၂၃ ရက်နေ့ (သောကြာနေ့)တွင် နံနက် (၀၉:၄၅)နာရီမှ နံနက်(၁၁:၄၅)နာရီအထိ ကျင်းပပြုလုပ်ခဲ့ပါသည်။ အဆိုပါ အခမ်းအနားတွင် ဥတ္တရသီရိမြို့နယ် မီးသတ်ဦးစီးမှူးရုံးမှ ဦးစီးအရာရှိ ဦးစိုးသက်နောင် ဦးဆောင်သော မီးသတ်တပ်ဖွဲ့ဝင် (၅)ဦးက မီးဘေးအန္တရာယ်ကာကွယ်ရေး ဆိုင်ရာအသိပညာပေး ဟောပြောခြင်း၊ မီးဘေးအန္တရာယ်ကျရောက်ပါက မီးသတ်ဆေးဘူးအသုံးပြု၍ မီးငြိမ်းသတ်ခြင်းနှင့် အခြား နည်းလမ်းများဖြင့် မီးငြိမ်းသတ်ခြင်းတို့ကို လက်တွေ့သရုပ်ပြသခဲ့ပြီး တက်ရောက်လာကြသည့်  အရာထမ်း၊ အမှုထမ်းများမှလည်း မီးငြိမ်းသတ်ခြင်းများကို လက်တွေ့သရုပ်ပြ ပါဝင်ဆောင်ရွက်ခဲ့ကြပါသည်။