စာရင်းအင်းဥပဒေအား ရှင်းလင်းတင်ပြခြင်း၊ စဉ်ဆက်မပြတ်ဖွံ့ဖြိုးမှု ပန်းတိုင်များ (Sustainable Development Goals-SDGs) နှင့် စပ်လျဉ်း၍ အသိပညာပေးဆွေးနွေးခြင်း နှင့်  စာရင်းအင်းအချက်အလက်မှန်ကန်ရေးနှင့် အရည်အသွေးပြည့်ဝရေးကော်မတီ အစည်း အဝေးကို ၂၀၁၈ ခုနှစ်၊ စက်တင်ဘာလ (၆) ရက်နေ့၊ နံနက် (၉:၃၀) နာရီတွင် မကွေးတိုင်း ဒေသကြီး၊ မြို့နယ်စုပေါင်းရုံး၌ ကျင်းပခဲ့ရာ မကွေးတိုင်းဒေသကြီး၊ စီမံကိန်း၊ ဘဏ္ဍာရေးနှင့် စည်ပင်သာယာရေး ဝန်ကြီးဦးဇော်မင်း မှ အဖွင့်အမှာစကား ပြောကြားခဲ့ပါသည်။

          ထို့နောက် ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ မြန်မာနိုင်ငံ စာရင်းအင်းဥပဒေအား ရှင်းလင်းတင်ပြခြင်း၊ စဉ်ဆက်မပြတ်ဖွံ့ဖြိုးမှုပန်းတိုင်များ (Sustainable Development Goals - SDGs) နှင့် ပတ်သက်သည့် ညွှန်ကိန်းများအကြောင်း ရှင်းလင်း တင်ပြခြင်း၊ မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုးတိုးတက်မှု စီမံကိန်း (Myanmar Sustainable Development Plan-MSDP) နှင့် MSDP ကို စောင့်ကြည့် အကဲဖြတ်နိုင်စေရန်အတွက် အမျိုးသားညွှန်ကိန်းမူဘောင် (National Indicator Framework-NIF) အကောင်အထည်ဖော်ဆောင်ရွက်နေမှုများနှင့် စာရင်းအင်းအရည်အသွေးပြည့်ဝရေးဆိုင်ရာ လုပ်ငန်းများကို ရှင်းလင်းတင်ပြခဲ့ပြီး  အစည်းအဝေးသို့ တက်​ရောက်လာကြသူများမှ သိလိုသည် များကို  ပြန်လည်ဆွေးနွေးတင်ပြခဲ့ကြပါသည်။

          အစည်းအဝေးသို့ စီမံကိန်း၊ ဘဏ္ဍာရေးနှင့် စည်ပင်သာယာရေး ဝန်ကြီးဦးဇော်မင်းနှင့် ဌာနဆိုင်ရာများမှ ဖိတ်ကြားထားသည့်ပုဂ္ဂိုလ်များ၊ မကွေးတိုင်းဒေသကြီး၊ ဗဟိုစာရင်းအင်းအဖွဲ့မှ ဝန်ထမ်းများ အပါအဝင် စုစုပေါင်း (၁၀၀) ဦးခန့် တက်ရောက်ခဲ့ကြပါသည်။

အဆိုပါ အစည်းအဝေးသည် တိကျမှန်ကန်၍ အရည်အသွေးပြည့်ဝသော စာရင်းများ ရရှိခြင်းဖြင့် လက်တွေ့ကျသည့် စီမံကိန်းများနှင့် မူဝါဒများ မှန်ကန်စွာချမှတ်နိုင်ရန်၊  စာရင်းအင်း ကဏ္ဍ ဖွံ့ဖြိုးတိုးတက်ရန်အတွက် စာရင်းအင်းနှင့် သက်ဆိုင်သော အစိုးရ၊ ပုဂ္ဂလိကနှင့် အဖွဲ့အစည်းများအားလုံးမှ ပူးပေါင်းညှိနှိုင်းဆောင်ရွက်မှုများ ပိုမိုအားကောင်းစေရန်နှင့် စဉ်ဆက်မပြတ် ဖွံ့ဖြိုး​​မှုပန်းတိုင်များ (SDGs) နှင့် သက်ဆိုင်သည့် ညွှန်ကိန်းများနှင့် စပ်လျဉ်း၍  တိုင်းဒေသကြီးအဆင့် ဌာနဆိုင်ရာများ သိရှိစေရန်  ရည်ရွယ်၍ ကျင်းပရခြင်းဖြစ်ပါသည်။ (သတင်းစဉ်)

၂၀၁၈ ခုနှစ်၊ စက်တင်ဘာလ (၆) ရက်