စာရင်းအင်းကဏ္ဍဆိုင်ရာ ပေါင်းစပ်ညှိနှိုင်းရေးအဖွဲ့(SSCG) အစည်းအဝေး(၂/၂၀၁၉)ကျင်းပ

စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့မှ ဉီးဆောင်၍ စာရင်းအင်းကဏ္ဍ ဆိုင်ရာ ပေါင်းစပ်ညှိနှိုင်းရေးအဖွဲ့ အစည်းအဝေး(၂/၂၀၁၉)ကို ၂၀၁၉ ခုနှစ်၊ စက်တင်ဘာလ (၂၆) ရက်နေ့၊ နေ့လယ်(၂:၀၀)နာရီတွင် Horizon Lake View Resort ၊ နေပြည်တော်၌ ကျင်းပပြုလုပ် ခဲ့ရာ ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဦးဆန်းမြင့် က အဖွင့်အမှာစကားပြောကြားခဲ့ပြီး ဖွံ့ဖြိုးမှုမိတ်ဖက်များကိုယ်စား ကမ္ဘာ့ဘဏ်မှ Senior Statistician/ Economist ဖြစ်သူ Mr.Clarence Tsimpo Nkengne က နှုတ်ခွန်းဆက် အမှာစကား ပြောကြားပါသည်။ ထို့နောက် ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဦးဆန်းမြင့် က စာရင်းအင်းဆိုင်ရာ လုပ်ငန်းဆောင်ရွက်မှုများအား ခြုံငုံတင်ပြခြင်း၊ စာရင်းအင်းဆိုင်ရာဖွံ့ဖြိုးမှု အမျိုးသားအဆင့် မဟာဗျူဟာ (National Strategy for Development of Statistics-NSDS) လုပ်ငန်းအဖွဲ့(၁၀)ဖွဲ့မှ တာဝန်ရှိပုဂ္ဂိုလ်များက လုပ်ငန်းအဖွဲ့အလိုက် လုပ်ငန်းဆောင်ရွက်နေမှု အခြေအနေများကို ဆွေးနွေးတင်ပြကြပြီး အစည်းအဝေးသို့ တက်ရောက်လာသူများမှ ဝိုင်းဝန်းဆွေးနွေး အကြံပြု ခဲ့ကြပါသည်။ အစည်းအဝေးသို့ စာရင်းအင်းကဏ္ဍဆိုင်ရာ ပေါင်းစပ်ညှိနှိုင်းရေးအဖွဲ့ဝင်များ၊ ဖွံ့ဖြိုးမှု မိတ်ဖက်များမှ တာဝန်ရှိသူများ အပါအဝင် စုစုပေါင်း(၇၀)ဦးခန့် တက် ရောက်ကြပါသည်။ အဆိုပါ အစည်းအဝေးသည် အမျိုးသားစာရင်းအင်းအရည်အသွေး ဖွံ့ဖြိုးတိုးတက်ရေး အတွက် စာရင်းအင်းဆိုင်ရာဖွံ့ဖြိုးမှု အမျိုးသားအဆင့်မဟာဗျူဟာကို ဖွံ့ဖြိုးမှုမိတ်ဖက်များ၏ အကူအညီဖြင့် အကောင်အထည်ဖော်ဆောင်လျက်ရှိရာ လုပ်ငန်းအဖွဲ့တစ်ခုချင်းစီ၏ လုပ်ငန်း အကောင်အထည်ဖော်ဆောင်ရွက်မှုအခြေအနေများနှင့် လိုအပ်ချက်များ၊ ဆက်လက်ဆောင်ရွက် ရမည့် လုပ်ငန်းစဉ်များအား ဆွေးနွေးညှိနှိုင်း အကြံပြုချက်များရယူနိုင်ရန်အတွက် ရည်ရွယ်၍ ကျင်းပ ပြုလုပ်ခြင်း ဖြစ်ပါသည်။(သတင်းစဉ်)

,