ပြည်တွင်းကုန်သွယ်ရေးစာရင်းအင်းနှင့် စပ်လျဉ်းသည့် ညှိနှိုင်းအစည်းအဝေး ကျင်းပ

ဗဟိုစာရင်းအင်းအဖွဲ့နှင့် GIZ အဖွဲ့တို့ ပူးပေါင်း၍ ပြည်တွင်းကုန်သွယ်ရေးစာရင်းအင်းနှင့် စပ်လျဉ်းသည့် ညှိနှိုင်းအစည်းအဝေးကို ၂၀၁၉ ခုနှစ်၊ ဩဂုတ်လ (၂) ရက်နေ့တွင် နေပြည်တော်ရှိ Royal President Hotel ၌ ကျင်းပပြုလုပ်ခဲ့ပါသည်။ အဆိုပါအစည်းအဝေးတွင် ဗဟိုစာရင်းအင်း အဖွဲ့မှ ညွှန်ကြားရေးမှူးချုပ်နှင့် GIZ အဖွဲ့မှ Head of Project ဖြစ်သူ Ms.Jasmin Freischlad တို့မှ အဖွင့်အမှာစကား ပြောကြားခဲ့ပါသည်။ ထို့နောက် ဆွေးနွေးပွဲတက်ရောက်လာသူများမှ ပြည်တွင်းကုန်သွယ်ရေးစာရင်းအင်းနှင့် စပ်လျဉ်း၍ အုပ်စု (၃) စုဖွဲ့၍ ဆွေးနွေးခဲ့ကြပြီး ညွှန်ကြားရေးမှူးချုပ်မှ လိုအပ်သည်များကို ဖြည့်စွက်ဆွေးနွေးခဲ့ပါသည်။ အစည်းအဝေးသို့ ဗဟိုစာရင်းအင်းအဖွဲ့၊ ပြည်တွင်းကုန်သွယ်ရေး စာရင်းအင်းနှင့် စပ်လျဉ်းသည့်ဌာနများမှ ကိုယ်စားလှယ်များနှင့် GIZ အဖွဲ့မှ တာဝန်ရှိသူများ တက်ရောက်ခဲ့ကြပါသည်။ ၂၀၁၉ ခုနှစ် ဩဂုတ်လ (၂) ရက်