ကမ္ဘာ့ကျန်းမာရေးအဖွဲ့မှ အတိုင်ပင်ခံဖြစ်သူ Dr. Chathura Somawansa Edirisuriya ဉီးဆောင် သောအဖွဲ့အား လက်ခံတွေ့ဆုံ

စီမံကိန်းနှင့် ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့ ညွှန်ကြားရေးမှူး ဒေါ်ခင်မို့မို့သည်  ကမ္ဘာ့ကျန်းမာရေးအဖွဲ့မှ အတိုင်ပင်ခံဖြစ်သူ Dr. Chathura Somawansa Edirisuriya ဉီးဆောင်သောအဖွဲ့အား ၂၀၁၉ ခုနှစ်၊ ဇွန်လ (၄) ရက်၊ မွန်းလွဲ (၁:၀၀) နာရီအချိန်တွင် ဗဟိုစာရင်းအင်းအဖွဲ့၊ ရုံးအမှတ်(၃၂)၊ အစည်းအဝေးခန်းမ၌ လက်ခံတွေ့ဆုံခဲ့ပါသည်။

ထိုသို့တွေ့ဆုံရာတွင် စစ်တမ်းအရွယ်အစား၊ Master Sample ကို အသုံးပြု၍ Cluster ရွေးချယ်မှု နှင့် ဗဟိုစာရင်းအင်းအဖွဲ့မှ ကောက်ယူသည့် စစ်တမ်းများ၊ Vaccination Coverage Evaluation Survey Myanmar 2019 နှင့် စာရင်းကောက်ယူမှုအခြေအနေ၊ အချက်အလက် ထည့်သွင်းမှုနှင့် စိစစ်သုံးသပ်မှုများ စသည်တို့နှင့်စပ်လျဉ်း၍ ဆွေးနွေးခဲ့ကြသည်။

အဆိုပါတွေ့ဆုံပွဲသို့ ဗဟိုစာရင်းအင်းအဖွဲ့မှ သက်ဆိုင်ရာတာဝန်ရှိ အရာထမ်းများ တက်ရောက် ခဲ့ကြပါသည်။

၂၀၁၉ ခုနှစ်၊ ဇွန်လ (၄) ရက်