၂၀၁၈ ခုနှစ်၊ နိုဝင်ဘာလ ၉ ရက်နေ့တွင် စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်း ရေးဆွဲရေးဦးစီးဌာန၊ အစည်းအဝေးခန်းမ (၁) တွင် ကျင်းပပြုလုပ်ခဲ့သည့် လစဉ်ဝန်ထမ်းထု ဆန္ဒဖော်ထုတ်ပွဲ အခမ်းအနား။

,

စီမံကိန်းရေးဆွဲရေးဦးစီးဌာန၊ လစဉ်ဝန်ထမ်းထုဆန္ဒဖော်ထုတ်ပွဲ အခမ်းအနားကို ၂၀၁၈ ခုနှစ်၊ နိုဝင်ဘာလ ၉ ရက်နေ့တွင်

စီမံကိန်းနှင့်ဘဏ္ဍာရေးဝန်ကြီးဌာန အစည်းအဝေးခန်းမ (၁) ၌ ကျင်းပပြုလုပ်ခဲ့ရာ ညွှန်ကြားရေးမှူးချုပ်၊ ဒေါ်သွေးသွေးချစ်က 

အဖွင့်အမှာစကား ပြောကြားခဲ့ ပါသည်။

 ညွှန်ကြားရေးမှူးချုပ်က ဝန်ထမ်းများ စည်းမျဉ်းစည်းကမ်းနှင့်အညီ ဘောင်အတွင်းမှ လုပ်ကိုင် ဆောင်ရွက်ကြရန်၊

ဝန်ထမ်းများအချင်းချင်း ပူးပေါင်းလုပ်ကိုင်ဆောင်ရွက်ကြရန်၊ လုပ်ငန်းများ ကို သတ်မှတ်ကာလအတွင်း အချိန်မီပြီးစီးအောင်

ဆောင်ရွက်ကြရန်၊ လုပ်ငန်းဆိုင်ရာ ကိစ္စရပ်များနှင့် ဝန်ထမ်းရေးရာကိစ္စရပ်များကို လမ်းညွှန် ပြောကြားခဲ့ပါသည်။

ဆက်လက်၍ ဒုတိယညွှန်ကြားရေးမှူးချုပ်၊ ဦးဌေးအောင်က ဝန်ထမ်းစည်းမျဉ်းစည်းကမ်းနှင့် ခွင့်ကိစ္စများ

စနစ်တကျရှိစေရေး ဆွေးနွေးပြောကြားခဲ့ပါသည်။

ထို့နောက် တရုတ်ပြည်သူ့သမ္မတနိုင်ငံ၊ ပီကင်းတက္ကသိုလ်မှ ပြည်သူ့ရေးရာမူဝါဒဆိုင်ရာမဟာဘွဲ့ သင်တန်းသို့ တက်ရောက်ခဲ့သည့်  

လက်ထောက်ညွှန်ကြားရေးမှူး ဒေါ်ခင်မာအေးက ဘွဲ့ယူ စာတမ်းနှင့် အတွေ့အကြုံကို ရှင်းလင်းဆွေးနွေးပါသည်။

ဆွေးနွေးပွဲတွင် ညွှန်ကြားရေးမှူး ဦးသန်းထွန်းအောင်နှင့် ဒုတိယညွှန်ကြားရေးမှူးများဖြစ်သော ဦးမောင်မောင်လွင်၊

ဒေါ်တင်တင်ဝင်းတို့က လုပ်ငန်းဆိုင်ရာကိစ္စရပ်များကို တင်ပြခဲ့ကြပြီး အခမ်း အနားကို ရုပ်သိမ်းခဲ့ပါသည်။