စီမံကိန်းနှင့်ဘဏ္ဍာရေးဝန်ကြီးဌာန၊ စီမံကိန်းရေးဆွဲရေးဦးစီးဌာန၏ အသိပညာဖလှယ်ရေး (Knowledge Sharing) အစီအစဉ်ကို ၃၁.၈.၂၀၂၃ ရက်နေ့၊ မွန်းလွဲ (၁၄း၀၀) နာရီအချိန်တွင် Hybrid ပုံစံဖြင့် ကျင်းပပြုလုပ်ခဲ့ရာ ကဏ္ဍများမှ အရာထမ်း၊ အမှုထမ်းများ  တက်ရောက်ခဲ့ပါသည်။

     အဆိုပါ Knowledge Sharing အစီအစဉ်တွင် ကွန်ပျူတာကဏ္ဍမှ ဒုတိယဦးစီးမှူး ဒေါ်နွေးနွေးဝတ်ရည်က ပို့ဆောင်ရေးနှင့်ဆက်သွယ်ရေးဝန်ကြီးဌာန၊ သတင်းအချက်အလက် နည်းပညာနှင့်ဆိုက်ဘာလုံခြုံရေးဦးစီးဌာနမှ ဖွင့်လှစ်ပို့ချခဲ့သည့် Web Design HTML5 And CSS3 Course နှင့် Responsive Web Design Using Bootstrap5 Course သင်တန်းများသို့တက်ရောက်ခဲ့သည့် အတွေ့အကြုံများကို ရှင်းလင်းဆွေးနွေးခဲ့ပါသည်။ ဆက်လက်၍ စီးပွားရေးစိစစ်သုံးသပ်မှုနှင့်သုတေသနကဏ္ဍမှ ဒုတိယဦးစီးမှူး ဦးအောင်ဝေယံက တရုတ်ပြည်သူ့သမ္မတနိုင်ငံ၊ ဟန်ကျိုးမြို့ ၌ဖွင့်လှစ်ပို့ချခဲ့သည့် ဖွံ့ဖြိုးဆဲနိုင်ငံများတွင် ဆင်းရဲနွမ်းပါးမှုလျှော့ချရေးဆိုင်ရာ အဆင့်မြင့်ဆွေးနွေးပွဲသို့ တက်ရောက်ခဲ့သည့်အတွေ့အကြုံများကို ရှင်းလင်းဆွေးနွေးခဲ့ရာ သက်ဆိုင်ရာ ကဏ္ဍများမှဝန်ထမ်းများက သိရှိလိုသည်များကိုမေးမြန်းခဲ့ပြီး Knowledge Sharing အစီအစဉ်ကို မွန်းလွဲ (၁၅း၀၀) နာရီတွင် ရုပ်သိမ်းခဲ့ပါသည်။