နေပြည်တော် ဧပြီ  ၅

(၁၁) ကြိမ်မြောက် အာဆီယံ ဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများ အစည်းအဝေး၊ (၂၈) ကြိမ်မြောက် အာဆီယံဘဏ္ဍာရေးဝန်ကြီးများအစည်းအဝေးနှင့် ဆက်စပ်အစည်းအဝေးများကို လာအိုပြည်သူ့ဒီမိုကရက်တစ်သမ္မတနိုင်ငံ၊ လွမ်ပရာဘမ်မြို့တွင် ဧပြီ ၃ ရက်မှ ၅ ရက်အထိ ကျင်းပရာ ဒုတိယဝန်ကြီးချုပ်နှင့် စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး ဦးဝင်းရှိန်ဦးဆောင်သော မြန်မာကိုယ်စားလှယ်အဖွဲ့ တက်ရောက်ကြသည်။

ဒုတိယဝန်ကြီးချုပ်နှင့် ပြည်ထောင်စုဝန်ကြီးသည် ဧပြီ ၃ ရက်၊ မွန်းလွဲပိုင်းတွင် ကျင်းပသည့် အရှေ့တောင်အာရှဒေသအတွင်း ရာသီဥတုဖောက်ပြန်မှုနှင့်စပ်လျဉ်းသည့် ဘဏ္ဍာငွေပံ့ပိုးမှုကို တိုးချဲ့ ဆောင်ရွက်ရေးမူဝါဒဆိုင်ရာ အဆင့်မြင့်ဆွေးနွေးပွဲသို့ အာဆီယံဘဏ္ဍာရေးဝန်ကြီးများ၊ အာဆီယံအဆင့် မြင့်ဘဏ္ဍာရေးအရာရှိများ၊ အာဆီယံစီးပွားရေးအကြံပေးကောင်စီအဖွဲ့ဝင်များ၊ အာဆီယံဒုတိယအတွင်း ရေးမှူးချုပ်၊ တာဝန်ရှိသူများနှင့်အတူ တက်ရောက်သည်။ ဆွေးနွေးပွဲတွင် အာဆီယံဒေသတွင်း ရာသီ ဥတုဖောက်ပြန်မှု၏ အကျိုးသက်ရောက်မှုများနှင့်ပျက်စီးဆုံးရှုံးမှုများကို ပြန်လည်ထူထောင်ပေးနိုင်ရေး အတွက် လိုအပ်သည့်ဘဏ္ဍာငွေ ပံ့ပိုးကူညီပေးနိုင်မည့်နည်းလမ်းများ၊ ပူးပေါင်းဆောင်ရွက်မှုဆိုင်ရာကိစ္စ ရပ်များနှင့်စပ်လျဉ်း၍ အမြင်ချင်းဖလှယ် ညှိနှိုင်းဆွေးနွေးခဲ့ကြသည်။ ယင်းနောက် ညနေပိုင်းတွင် ဒုတိယ ဝန်ကြီးချုပ်နှင့် ပြည်ထောင်စုဝန်ကြီး ဦးဆောင်သော မြန်မာကိုယ်စားလှယ်အဖွဲ့သည် လာအိုဗဟိုဘဏ် ဥက္ကဋ္ဌကတည်ခင်းဧည့်ခံသည့် ညစာစားပွဲသို့ အာဆီယံဘဏ္ဍာရေးဝန်ကြီးများ၊ ဗဟိုဘဏ်ဥက္ကဋ္ဌများနှင့် အတူ တက်ရောက်ခဲ့သည်။ 

ဧပြီ ၄ ရက်၊ နံနက်ပိုင်းတွင် အာဆီယံ-အီးယူစီးပွားရေးကောင်စီ၊ အာဆီယံ-အမေရိကန်စီးပွား ရေးကောင်စီနှင့် အာဆီယံစီးပွားရေးအကြံပေးကောင်စီ အစည်းအဝေးများကို သီးခြားစီကျင်းပရာ အာဆီယံဘဏ္ဍာရေးဝန်ကြီးများနှင့် အာဆီယံဒုတိယအတွင်းရေးမှူးချုပ်တို့က အာဆီယံဒေသတွင်း ဆောင်ရွက်နေသော ပေါင်းစည်းထားသည့် အာဆီယံအသိုက်အဝန်းတစ်ခုဖြစ်ပေါ်လာရေးကို ပံ့ပိုး ဆောင်ရွက်ရာတွင် အာဆီယံဘဏ္ဍာရေးပူးပေါင်းဆောင်ရွက်မှု၊ ငွေရေးကြေးရေးနှင့် ဘဏ္ဍာရေးပေါင်း စည်းဆောင်ရွက်မှုနှင့်အာဆီယံစီးပွားရေးအသိုက်အဝန်းလမ်းပြမြေပုံ ၂၀၂၅ (ASEAN Economic Community Blueprint 2025) အကောင်အထည်ဖော်မှုတို့နှင့်စပ်လျဉ်းပြီး ရည်မှန်းထားသည့်ရလဒ် များ ရရှိရေးဆိုင်ရာအစီအစဉ်များ၊ တိုးချဲ့ဆောင်ရွက်ရေးကိစ္စရပ်များ၊ ၂၀၂၅ ခုနှစ်အတွက် ဘဏ္ဍာရေးကဏ္ဍ ပေါင်းစည်းမှုအတွက်ဆောင်ရွက်မည့် Strategic Action Plan ဆိုင်ရာကိစ္စရပ်များနှင့် အာဆီယံဒေသ တစ်ခုလုံးနှင့်သက်ဆိုင်သည့် ဘဏ္ဍာရေးပူးပေါင်းဆောင်ရွက်မှုဆိုင်ရာကိစ္စရပ်များအား ညှိနှိုင်းဆွေးနွေး ကြသည်။ ယင်းနောက် နေ့လည်ပိုင်းတွင် အာဆီယံဘဏ္ဍာရေးဝန်ကြီးများ သီးသန့်ဆွေးနွေးပွဲ ကျင်းပခဲ့ သည်။  ယင်းဆွေးနွေးပွဲတွင်  ဒုတိယဝန်ကြီးချုပ်နှင့် စီမံကိန်း နှင့်ဘဏ္ဍာရေးဝန်ကြီးဌာန၊ ပြည်ထောင်စု ဝန်ကြီး ဦးဝင်းရှိန်က မြန်မာနိုင်ငံအနေဖြင့် ၂၀၁၉-၂၀၂၀ ဘဏ္ဍာရေးနှစ်တွင် ကိုဗစ်-၁၉ ကပ်ရောဂါ ကြောင့် နိုင်ငံ၏စီးပွားရေး ထိခိုက်ခဲ့ပါကြောင်း၊ ၂၀၂၂-၂၀၂၃ ဘဏ္ဍာရေးနှစ်တွင် အနည်းငယ် ပြန်လည် တိုးတက်ကောင်းမွန်လာပါကြောင်း၊ အစိုးရအနေဖြင့် စီးပွားရေးဉီးတည်ချက်များ ချမှတ်၍ SME လုပ်ငန်း  နှင့် စိုက်ပျိုးရေးကဏ္ဏ တိုးတက်အောင် အဓိကထားဆောင်ရွက်နေပါကြောင်းနှင့် အာဆီယံ၏ လုပ်ငန်း ဆောင်ရွက်မှုများတွင် မြန်မာနိုင်ငံအနေဖြင့် ပူးပေါင်းပါဝင်ဆောင်ရွက်မှု အခြေအနေများကို ပါဝင်ဆွေး နွေးခဲ့သည်။ ယင်းနောက် ဒုတိယဝန်ကြီးချုပ်နှင့် ပြည်ထောင်စုဝန်ကြီး ဦးဆောင်သော မြန်မာကိုယ်စား လှယ်အဖွဲ့သည် လာအိုဘဏ္ဍာရေးဝန်ကြီးက တည်ခင်းဧည့်ခံသည့် ညစာစားပွဲသို့ အာဆီယံဘဏ္ဍာရေး ဝန်ကြီးများ၊ ဗဟိုဘဏ်ဥက္ကဋ္ဌများနှင့်အတူ တက်ရောက်ခဲ့သည်။ ယင်းနေ့နံနက်ပိုင်းတွင် အာဆီယံ အပေါင်းသုံး ဘဏ္ဍာရေးနှင့် ဗဟိုဘဏ် ဒုတိယအကြီးအကဲများ အစည်းအဝေးကိုလည်း သီးခြားကျင်းပ ခဲ့သည်။

ဧပြီ ၅ ရက်၊ နံနက်ပိုင်းတွင် (၂၈) ကြိမ်မြောက် အာဆီယံဘဏ္ဍာရေးဝန်ကြီးများ အစည်းအဝေး ကို ကျင်းပရာ အာဆီယံဘဏ္ဍာရေးဝန်ကြီးများနှင့် အာဆီယံဒုတိယအတွင်းရေးမှူးချုပ်တို့က အာဆီယံ ဒေသတွင်း ဘဏ္ဍာရေးကဏ္ဍပေါင်းစည်းမှုအတွက် ဆောင်ရွက်မည့် Strategic Action Plan ဆိုင်ရာကိစ္စ ရပ်များ၊ အာဆီယံဒုတိယဘဏ္ဍာရေးဝန်ကြီးများအစည်းအဝေးက သက်ဆိုင်ရာလုပ်ငန်း ကော်မတီများ အလိုက်တင်ပြလာကြသောကိစ္စရပ်များအား ဘဏ္ဍာရေးဝန်ကြီးများက ညှိနှိုင်းဆွေးနွေးကြပြီး ရှေ့ဆက် လက်ဆောင်ရွက်မည့်လုပ်ငန်းအစီအစဉ်များကိုရေးဆွဲ အတည်ပြုကြသည်။ 

ယင်းနေ့မွန်းလွဲပိုင်းတွင် (၁၁) ကြိမ်မြောက် အာဆီယံဘဏ္ဍာရေးဝန်ကြီးများနှင့် ဗဟိုဘဏ် ဥက္ကဋ္ဌများအစည်းအဝေးကိုကျင်းပရာ အာဆီယံဘဏ္ဍာရေးဝန်ကြီးများ၊ဗဟိုဘဏ်ဥက္ကဋ္ဌများနှင့် အာဆီယံ အတွင်းရေးမှူးချုပ်တို့က အာဆီယံဒေသတွင်း ငွေရေးကြေးရေးနှင့် ဘဏ္ဍာရေးပူးပေါင်းဆောင်ရွက်မှုများ နှင့်သက်ဆိုင်သည့် အာဆီယံစီးပွားရေးအသိုက်အဝန်းစောင့်ကြည့်လေ့လာရေးနှင့် အကဲဖြတ်ခြင်းဆိုင်ရာ လုပ်ငန်းစဉ်များ၊ အေအီးစီလမ်းပြမြေပုံ ၂၀၂၅ အကောင်အထည်ဖော်မှု၊ အာဆီယံအသိုက်အဝန်းဆိုင်ရာ မျှော်မှန်းချက် ၂၀၄၅ (ASEAN Community Vision 2045) နှင့် အာဆီယံ ဘဏ္ဍာရေးနှင့် ငွေရေးကြေးရေး ပေါင်းစည်းမှု စောင့်ကြည့်လေ့လာအစီရင်ခံစာ၊ ASEAN Treasury Forum ထူထောင်ရေးညှိနှိုင်းဆွေးနွေး မှုများ၏ တိုးတက်မှုအခြေအနေများ၊ အာဆီယံဘဏ္ဍာရေးနှင့် ဗဟိုဘဏ်ဒုတိယအကြီးအကဲများ အစည်း အဝေးမှ သက်ဆိုင်ရာလုပ်ငန်းကော်မတီများအလိုက်တင်ပြလာကြသောကိစ္စရပ်များနှင့် ၂၀၂၄-၂၀၂၅ ဘဏ္ဍာနှစ်တွင်ဆောင်ရွက်မည့်လုပ်ငန်းစဉ်များကိုဆွေးနွေးကြပြီး၊ (၁၁)ကြိမ်မြောက်အာဆီယံဘဏ္ဍာရေး ဝန်ကြီးများနှင့်ဗဟိုဘဏ်ဥက္ကဋ္ဌများအစည်းအဝေး ပူးတွဲကြေညာချက်ကိုအပြီးသတ် ဆွေးနွေးအတည်ပြုခဲ့ကြသည်။ အာဆီယံ ဘဏ္ဍာရေးဝန်ကြီးများနှင့် ဗဟိုဘဏ်ဥက္ကဋ္ဌများအစည်းအဝေးကို နှစ်စဉ် ဧပြီလ တွင်ကျင်းပရာ ယခုနှစ်တွင် လာအိုနိုင်ငံက အိမ်ရှင်အဖြစ် လက်ခံကျင်းပခြင်းဖြစ်ပြီး လာမည့်နှစ်တွင် မလေးရှားနိုင်ငံက အိမ်ရှင်အဖြစ် လက်ခံကျင်းပမည်ဖြစ်ကြောင်း သိရသည်။

(၂၈) ကြိမ်မြောက် အာဆီယံဘဏ္ဍာရေးဝန်ကြီးများအစည်းအဝေးနှင့် ဆက်စပ်အစည်းအဝေး များသို့ ဒုတိယဝန်ကြီးချုပ်နှင့် စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး ဦးဝင်းရှိန် ဦး ဆောင်သောမြန်မာကိုယ်စားလှယ်အဖွဲ့နှင့်အတူ လာအိုပြည်သူ့ဒီမိုကရက်တစ်သမ္မတနိုင်ငံဆိုင်ရာမြန်မာ သံအမတ်ကြီး ဦးအောင်ကိုလည်း ပါဝင်တက်ရောက်ခဲ့ပြီး အဖွဲ့ဝင်အဖြစ်လိုက်ပါလာသည့် ဒုတိယဝန်ကြီး ဉီးမောင်မောင်ဝင်းသည် ဧပြီ ၂ ရက်တွင် ကျင်းပပြုလုပ်သည့် အာဆီယံဘဏ္ဍာရေးဒုတိယဝန်ကြီးများ အစည်းအဝေးနှင့် အာဆီယံဘဏ္ဍာရေးနှင့် ဗဟိုဘဏ်ဒုတိယအကြီးအကဲများအစည်းအဝေးများသို့ ပါဝင် တက်ရောက်ခဲ့ကြောင်း သတင်းရရှိသည်။ 

သတင်းစဉ်