Gender Response Budgeting Statement ပြင်ဆင်ရေးဆွဲရန်နှင့် စပ်လျဉ်း၍ လူမှုဝန်ထမ်းဦးစီးဌာန၊ World Bank ၊ UN Women၊ EU တို့မှ တာဝန်ရှိပုဂ္ဂိုလ်များနှင့် တွေ့ဆုံဆွေးနွေးမှု

,

၂၀၂၀ ပြည့်နှစ်၊ ဇန်နဝါရီလ (၂၃) ရက်နေ့တွင် စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန၊ ရသုံးမှန်းခြေငွေစာရင်းဦးစီးဌာန ၊ ရုံးအမှတ်(၂၆) ၊  အစည်းအဝေးခန်းမ၌ ရသုံးမှန်းခြေငွေစာရင်းဦးစီးဌာန ညွှန်ကြားရေးမှူးချုပ် ဒေါ်သီတာထွန်း ဦးဆောင်သော တာဝန်ရှိပုဂ္ဂိုလ်များ၊ လူမှုဝန်ထမ်းဦးစီးဌာနမှ ညွှန်ကြားရေးမှူးချုပ် ဒေါ်စန်းစန်းအေး ဦးဆောင်သော တာဝန်ရှိပုဂ္ဂိုလ်များ၊ ကမ္ဘာ့ဘဏ်၊ UN Women ၊ EU  တို့မှ တာဝန်ရှိပုဂ္ဂိုလ်များသည် Gender Response Budgeting Statement ပြင်ဆင်ရေးဆွဲခြင်းနှင့် စပ်လျဉ်း၍တွေ့ဆုံဆွေးနွေးခဲ့ပါသည်။ အဆိုပါ ဆွေးနွေးပွဲတွင် UN Women မှ အခြားနိုင်ငံများ၏ Gender Response Budgeting နှင့်ပတ်သက်သည့် အတွေ့အကြုံများကိုရှင်းလင်းမျှဝေခဲ့ပြီး MPFM project ၏ Gender Informed Budgeting ဆိုင်ရာ ညွှန်းကိန်းအသစ်ကို အကောင်အထည်ဖော်နိုင်ရန်အတွက် one service sector သတ်မှတ်နိုင်ရေး၊ Gender Informed Budgeting Working Committee ဖွဲ့စည်းရေး၊ ရွေးချယ်ထားသည့် service sector နှင့် စီမံကိန်း၊ ဘဏ္ဍာရေးနှင့် စက်မှုဝန်ကြီးဌာနတို့မှ တာဝန်ရှိသူများ အား အခြား နိုင်ငံများ၏ အတွေ့အကြုံများ ရှင်းလင်းတင်ပြနိုင်ရေးအတွက် သင်တန်း / အလုပ်ရုံဆွေးနွေးပွဲ တစ်ရပ်ကျင်းပရေး စသည့် ကိစ္စရပ်များနှင့် စပ်လျဉ်း၍ ဆွေးနွေးခဲ့ကြပါသည်။