ရှမ်းပြည်နယ် အစိုးရအဖွဲ့၏ စာရင်းအင်းဥပဒေ၊ စဉ်ဆက်မပြတ်ဖွံ့ဖြိုးမှုပန်းတိုင်များ(SDGs)နှင့် စာရင်းအင်း အချက်အလက်များ မှန်ကန်ရေး အရည်အသွေးပြည့်ဝရေးဆိုင်ရာ အစည်းအဝေး ကျင်းပခြင်း

, , ,

၂၀၁၈ခုနှစ်၊မေလ(၂၆)ရက်နေ့၊ နံနက်၁၀:၀၀နာရီတွင် ရှမ်းပြည်နယ်အစိုးရအဖွဲ့ အစည်းအဝေး ခန်းမ၌ စာရင်းအင်းဥပဒေရှင်းလင်းခြင်း၊ စဉ်ဆက်မပြတ်ဖွံ့ဖြိုးမှုပန်းတိုင်များ(SDGs)နှင့် စာရင်း အင်းအချက်အလက်များမှန်ကန်ရေးနှင့် အရည်အသွေးပြည့်ဝရေးဆိုင်ရာ လုပ်ငန်းစဉ်များနှင့် စပ်လျဉ်းသည့် အစည်းအဝေးကျင်းပခဲ့ရာ ရှမ်းပြည်နယ်အစိုးရအဖွဲ့ ဝန်ကြီးများ၊ ဗဟိုစာရင်းအင်း အဖွဲ့ ညွှန်ကြားရေးမှူးချုပ် ဒေါက်တာဝါဝါမောင်၊ ရှမ်းပြည်နယ်ဗဟိုစာရင်းအင်းအဖွဲ့ ပြည်နယ် တာဝန်ခံ ဒုတိယညွှန်ကြားရေးမှူး ဒေါ်နီနီမြင့်နှင့် ဝန်ထမ်းများ၊ ပြည်နယ်အဆင့် ဖိတ်ကြားထား​သော ဌာန ဆိုင်ရာ တာဝန်ရှိပုဂ္ဂိုလ်များ စုစုပေါင်း(၈၅)ဦးခန့်  တက်ရောက်ခဲ့ကြပါသည်။

 အစည်းအဝေးတွင် ပြည်နယ်ဘဏ္ဍာရေးဝန်ကြီးမှ အဖွင့်အမှာစကား ပြောကြားခဲ့ပါသည်။ ထိုနောက် ဗဟိုစာရင်းအင်းအဖွဲ့ ညွှန်ကြားရေးမှူးချုပ် ဒေါက်တာဝါဝါမောင်မှ စာရင်းအင်း ဥပဒေအားရှင်းလင်းခြင်း၊ စဉ်ဆက်မပြတ်ဖွံ့ဖြိုးမှုပန်းတိုင်များ(SDGs)နှင့် စာရင်းအင်း အချက်အလက်များမှန်ကန်ရေးနှင့်အရည်အသွေးပြည့်ဝရေးဆိုင်ရာ လုပ်ငန်းစဉ်များနှင့်စပ်လျဉ်း၍ ဆွေနွေးပြောကြားခဲ့ကာ တက်ရောက်လာသူများမှ သိလိုသည်များ အပြန်အလှန်ဆွေးနွေးကြပြီး အစည်းအဝေးကို နေ့လည် ၁၂:၃၀တွင် ရုပ်သိမ်းခဲ့ပါသည်။

(သတင်းစဉ်)

၂၀၁၈ ခုနှစ်၊ မေလ (၂၆) ရက်