မြန်မာနိုင်ငံစီးပွားရေးလုပ်ငန်းများအား စောင့်ကြည့်လေ့လာအကဲဖြတ်သည့်စနစ် ဆဋ္ဌမအကြိမ်မြောက် ဦးဆောင်ကော်မတီအစည်းအဝေး ကျင်းပ

ဒိန်းမတ်နိုင်ငံအစိုးရ၏ အကူအညီဖြင့် ဗဟိုစာရင်းအင်းအဖွဲ့နှင့် United Nations University World Institute for Development Economics Research (UNU-WIDER) အဖွဲ့တို့ ပူးပေါင်း၍ မြန်မာနိုင်ငံ စီးပွားရေးလုပ်ငန်းများအား စောင့်ကြည့်လေ့လာအကဲဖြတ်သည့်စနစ် ဆဋ္ဌမအကြိမ် မြောက် ဦးဆောင်ကော်မတီအစည်းအဝေးကို ၂၀၁၉ ခုနှစ်၊ စက်တင်ဘာလ (၁၇) ရက်နေ့တွင် ဗဟို စာရင်းအင်းအဖွဲ့၊ အစည်းအဝေးခန်းမ၌ ကျင်းပခဲ့ရာ ဗဟိုစာရင်းအင်းအဖွဲ့မှ ညွှန်ကြားရေးမှူးချုပ် နှင့် မြန်မာနိုင်ငံဆိုင်ရာ ဒိန်းမတ်သံရုံးမှ သံအမတ်ကြီး Mr. John Nielsen တို့မှ တက်ရောက် အဖွင့်အမှာစကား ပြောကြားခဲ့ပါသည်။ ထို့နောက် UNU-WIDER အဖွဲ့မှ Professor ဖြစ်သူ Mr. Finn Tarp မှ Myanmar Enterprise Monitoring System (MEMS) နှင့်စပ်လျဉ်း၍ အကောင်အထည်ဖော် ဆောင်ရွက်နေမှုများကို ဆွေးနွေးခဲ့ပြီး UNU-WIDER အဖွဲ့မှ တာဝန်ရှိသူများနှင့် ဗဟိုစာရင်းအင်း အဖွဲ့မှ ဝန်ထမ်းများအပါအဝင် စုစုပေါင်း (၂၀) ဦး တက်ရောက်ခဲ့ကြပါသည်။