ဆေးရုံ၊ ဆေးခန်းပြင်ပသေဆုံးမှု မှတ်ပုံတင်ခြင်းနှင့် စပ်လျဉ်း၍ (၆) လပတ်လုပ်ငန်း စောင့်ကြပ်ကြည့်ရှု အကဲဖြတ်ဆန်းစစ်ခြင်းဆိုင်ရာ အလုပ်ရုံဆွေးနွေးပွဲ ကျင်းပ

,

စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့နှင့်  ကျန်းမာရေးနှင့်အားကစားဝန်ကြီးဌာန၊ Bloomberg Data for Health Initiative အဖွဲ့တို့နှင့်ပူးပေါင်း၍ ဆေးရုံဆေးခန်းပြင်ပသေဆုံးမှု မှတ်ပုံတင်ခြင်းနှင့်စပ်လျဉ်း၍ (၆) လပတ်လုပ်ငန်း စောင့်ကြပ်ကြည့်ရှု အကဲဖြတ်ဆန်းစစ်ခြင်းဆိုင်ရာ အလုပ်ရုံဆွေးနွေးပွဲကို ၂၀၁၉ ခုနှစ်၊ ဩဂုတ်လ (၁၃) ရက်နေ့မှ (၁၅) ရက် နေ့အထိ နေပြည်တော်ရှိ မင်္ဂလာသီရိဟိုတယ်၌ ကျင်းပပြုလုပ်ခဲ့ရာ ကျန်းမာရေးနှင့်အားကစားဝန်ကြီးဌာနမှ အမြဲတမ်းအတွင်းဝန် ဒေါက်တာသာထွန်းကျော်နှင့် ဗဟိုစာရင်းအင်းအဖွဲ့ ညွှန်ကြားရေးမှူးချုပ်တို့မှ အဖွင့်အမှာစကားပြောကြားခဲ့ပါသည်။

အလုပ်ရုံဆွေးနွေးပွဲတွင် တက်ရောက်လာသူများမှ ဆေးရုံဆေးခန်းပြင်ပတွင် သေဆုံးမှုများနှင့်စပ်လျဉ်းသည့် စာရင်းအင်းများကို အုပ်စုဖွဲ့ဆွေးနွေးခဲ့ကြပြီး ဗဟိုစာရင်းအင်းအဖွဲ့ ညွှန်ကြားရေးမှူးချုပ်မှ မြန်မာနိုင်ငံ၏ သေဆုံးမှုစာရင်းမှတ်ပုံတင်ခြင်းစနစ် ရေရှည်ဖွံ့ဖြိုးတိုးတက်စေရေးအတွက် ဆောင်ရွက်သွားရန် လမ်းညွှန်မှုများပေးခဲ့ပါသည်။ အလုပ်ရုံဆွေးနွေးပွဲသို့ ဗဟိုစာရင်းအင်းအဖွဲ့၊ ကျန်းမာရေးနှင့်အားကစားဝန်ကြီးဌာနမှ တာဝန်ရှိပုဂ္ဂိုလ်များ၊ မြို့နယ် (၄၂) မြို့နယ်မှ မြို့နယ်အခြေခံကျန်းမာရေးဝန်ထမ်းများ၊ ပြည်နယ်နှင့်တိုင်းဒေသကြီးရုံးခွဲများမှ  ဗဟိုစာရင်းအင်းအဖွဲ့ဝန်ထမ်းများ၊ Bloomberg Data for Health Initiative အဖွဲ့မှ တာဝန်ရှိသူများ တက်ရောက်ခဲ့ကြပါသည်။

၂၀၁၉ ခုနှစ်၊ ဩဂုတ်လ (၁၃) ရက်

,