ပြည်ထောင်စုဝန်ကြီး ဦးကျော်ဝင်း မြန်မာနိုင်ငံဆိုင်ရာ သံအမတ်ကြီးများအား သီးခြားစီ လက်ခံတွေ့ဆုံ

, ,

နေပြည်တော်၊ နိုဝင်ဘာ  ၈

စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး ဦးကျော်ဝင်းသည် ယနေ့ နံနက်(၉)နာရီတွင် မြန်မာနိုင်ငံဆိုင်ရာ စင်ကာပူနိုင်ငံ သံအမတ်ကြီး H.E. Mr. Robert Chua အားလည်းကောင်း၊ နံနက် (၁၁) နာရီတွင် မြန်မာနိုင်ငံဆိုင်ရာ ဖင်လန်နိုင်ငံသံအမတ်ကြီး H.E.Ms.Riikka Latu အားလည်းကောင်း၊ နံနက်(၁၂)နာရီတွင် မြန်မာနိုင်ငံဆိုင်ရာ ရုရှနိုင်ငံ သံအမတ်ကြီး H.E.Dr.Nikolay Listopadov အားလည်းကောင်း စီမံကိန်းနှင့် ဘဏ္ဍာရေး ဝန်ကြီးဌာန၊ ရုံးအမှတ်(၂၆) အစည်းအဝေးခန်းတွင် သီးခြားစီ လက်ခံတွေ့ဆုံခဲ့သည်။

ထိုသို့တွေ့ဆုံရာတွင် နှစ်နိုင်ငံ စီးပွားရေး ပူးပေါင်းဆောင်ရွက်မှုဆိုင်ရာ ကိစ္စရပ်များ၊ လူ့စွမ်းအား အရင်းအမြစ် ဖွံ့ဖြိုးတိုးတက်ရေးအတွက် သက်မွေးဝမ်းကျောင်းဆိုင်ရာ ပညာရပ် သင်တန်းများ ပံ့ပိုးကူညီပေးနိုင်ရေးနှင့် ဖွံ့ဖြိုးမှု အကူအညီပေးရေးဆိုင်ရာများနှင့် စပ်လျဉ်း၍ ဆွေးနွေး ခဲ့ကြကြောင်း သတင်းရရှိသည်။

(သတင်းစဉ်)