ပြည်ထောင်စုဝန်ကြီး ဦးကျော်ဝင်း မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီး ဦးဆောင်သည့် တရုတ်ပြည်သူ့သမ္မတနိုင်ငံ၊ ကုမ္ပဏီများမှ လုပ်ငန်းရှင်များအား လက်ခံတွေ့ဆုံ

,

စီမံကိန်းနှင့် ဘဏ္ဍာရေး၀န်ကြီးဌာန ပြည်ထောင်စုဝန်ကြီး ဦးကျော်ဝင်းသည် ယနေ့ နေ့လည် ၃ နာရီတွင် မြန်မာနိုင်ငံဆိုင်ရာ တရုတ်ပြည်သူ့သမ္မတနိုင်ငံ သံအမတ်ကြီး ဦးဆောင်သည့် တရုတ်ပြည်သူ့သမ္မတနိုင်ငံ၊ ကုမ္ပဏီများမှ လုပ်ငန်းရှင်များအား စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၁)၊ အစည်းအဝေးခန်းမ၌ လက်ခံတွေ့ဆုံခဲ့ပါသည်။
ထိုသို့ တွေ့ဆုံရာတွင် မြန်မာနိုင်ငံနှင့် တရုတ်ပြည်သူ့သမ္မတနိုင်ငံတို့အကြား ရင်းနှီးမြှုပ်နှံမှု တိုးမြှင့်ရေးဆိုင်ရာကိစ္စရပ်များ၊ စိုက်ပျိုးရေးနှင့် မွေးမြူရေးဆိုင်ရာ လုပ်ငန်းများတိုးတက်လာစေရန် တရုတ်နိုင်ငံမှ ပညာရှင်များနှင့် ပူးပေါင်းဆောင်ရွက်ရေး၊ နည်းပညာများဖလှယ်ရေး ဆိုင်ရာကိစ္စရပ်များ၊ စပါးနှင့်အခြားသီးနှံများတင်ပို့ရန်ကိစ္စ၊ ကျွဲ၊ နွား၊ ဆိတ်၊ ဝက်နှင့် ငါးများတင်ပို့ခြင်းဆိုင်ရာ ကိစ္စရပ်များနှင့် သယ်ယူပို့ဆောင်ရေးကဏ္ဍတွင် အစဉ်ပြေချောမွေ့စေရန် ကျေးလက်လမ်းများ ဖောက်လုပ်ရေးဆိုင်ရာကိစ္စရပ်များ ဆွေးနွေးခဲ့ကြကြောင်း သတင်းရရှိပါသည်။

နေပြည်တော်   သြဂုတ် ၂၁
(သတင်းစဉ်)