ပြည်ထောင်စုဝန်ကြီး ဦးဝင်းရှိန် လဟယ်နှင့် ဟုမ္မလင်းမြို့နယ်များရှိ ဝန်ထမ်းများနှင့်တွေ့ဆုံ

နေပြည်တော် ၊ ဇန်နဝါရီ ၁၉

စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး ဦးဝင်းရှိန်သည် ၂၀၂၃ ခုနှစ်၊ ဇန်နဝါရီလ ၁၆ ရက်တွင် စစ်ကိုင်းတိုင်းဒေသကြီး၊ နာဂကိုယ်ပိုင်အုပ်ချုပ်ခွင့်ရဒေသ လဟယ်မြို့ နှင့် ဟုမ္မလင်းမြို့၌ စီမံကိန်းနှင့်ဘဏ္ဍာရေးဝန်ကြီးဌာနမှ ဌာနဆိုင်ရာဝန်ထမ်းများအား ရင်းရင်း နှီးနှီး တွေ့ဆုံနှုတ်ဆက်ပါသည်။ တွေ့ဆုံစဉ် ပြည်ထောင်စုဝန်ကြီးက စီမံကိန်းရေးဆွဲရေးဦးစီးဌာန၊ မြန်မာ့စီးပွားရေးဘဏ်၊ မြန်မာ့လယ်ယာဖွံ့ဖြိုးရေးဘဏ်၊ ရသုံးမှန်းခြေငွေစာရင်းဦးစီးဌာနနှင့် ပြည်တွင်းအခွန်များဦးစီးဌာနတို့မှ ဝန်ထမ်းများအနေဖြင့် သက်ဆိုင်ရာစီမံကိန်းများကို လျာထားချက်အလိုက် အောင်မြင်စွာအကောင်အထည်ဖော်ရေး၊ တောင်သူလယ်သမားများထံ ရာသီအလိုက် စိုက်ပျိုး စရိတ်ချေးငွေများအားအချိန်မီထုတ်ချေးပေးနိုင်ရေးနှင့် ချေးငွေပြန်လည်ပေးဆပ်ရေး၊ ဘတ်ဂျက်နှင့် ဘဏ်လုပ်ငန်းဆိုင်ရာကိစ္စရပ်များ၊ အခွန်ရငွေများကို လျာထားချက်ပြည့်မီအောင် ကောက်ခံနိုင်ရေးကိစ္စရပ်များ၊ MSME လုပ်ငန်းများ ဖွံ့ဖြိုးတိုးတက်ရေးအတွက် ဝိုင်းဝန်းပံ့ပိုး ဆောင်ရွက်ပေးနိုင်ရေးနှင့် ဝန်ထမ်းများအနေဖြင့် စည်းလုံးညီညွတ်ချစ်ခင်စွာဖြင့် မိမိတို့၏ လုပ်ငန်းတာဝန်များကို ကြိုးပမ်းထမ်းဆောင်ကြရေးအတွက် မှာကြားခဲ့ပြီး၊ ဝန်ထမ်းများ၏ တင်ပြချက်များကို ဖြေရှင်းဆောင်ရွက်ပေးခဲ့ကြောင်း သတင်းရရှိပါသည်။ (သတင်းစဉ်)