စီမံကိန်းနှင့်ဖွဲ့စည်းပုံစိစစ်ရေးအဖွဲ့၏(၂/၂၀၁၉)ကြိမ်မြောက်အစည်းအဝေးကျင်းပ နေပြည်တော်၊ ဩဂုတ် ၁

,

စီမံကိန်းနှင့်ဖွဲ့စည်းပုံစိစစ်ရေးအဖွဲ့၏ (၂/၂၀၁၉)ကြိမ်မြောက် အစည်းအဝေးကို ၁-၈-၂၀၁၉ ရက်နေ့(၁၃:၀၀)နာရီတွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ်(၂၆) အစည်းအဝေးခန်းမ၌ ကျင်းပခဲ့ရာ စီမံကိန်းနှင့်ဖွဲ့စည်းပုံစိစစ်ရေးအဖွဲ့၊ ဥက္ကဋ္ဌ၊ စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီး ဦးစိုးဝင်း၊ ဒုတိယဥက္ကဋ္ဌ၊ အလုပ်သမား၊ လူဝင်မှုကြီးကြပ်ရေးနှင့် ပြည်သူ့ အင်အားဝန်ကြီးဌာန၊ ပြည်ထောင်စုဝန်ကြီး ဦးသိန်းဆွေ ၊ စီမံကိန်းနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီး ဦးဆက်အောင်၊ စီမံကိန်းနှင့်ဘဏ္ဍာရေးဝန်ကြီးဌာန အမြဲတမ်းအတွင်းဝန်နှင့် စီမံကိန်းနှင့်ဖွဲ့စည်းပုံစိစစ်ရေးအဖွဲ့၊ အဖွဲ့ဝင်များတက်ရောက်ခဲ့ပြီး အခမ်းအနားမှူးအဖြစ်  စီမံကိန်းနှင့် ဖွဲ့စည်းပုံစိစစ်ရေးအဖွဲ့၊ အတွင်းရေးမှူး၊ စီမံကိန်းစိစစ်ရေးနှင့် တိုးတက်မှုအစီရင်ခံရေးဦးစီးဌာန၊ ညွှန်ကြားရေးမှူးချုပ်က တာဝန်ယူဆောင်ရွက်ခဲ့ပါသည်။

အစည်းအဝေးတွင်ပြည်ထောင်စုရွေးကောက်ပွဲကော်မရှင်ရုံးအဆိုပြုဖွဲ့စည်းပုံ(၁)ခု၊

ပြည်ထဲရေးဝန်ကြီးဌာနမှ အဆိုပြုဖွဲ့စည်းပုံ(၆)ခု၊ စီမံကိန်းနှင့်ဘဏ္ဍာရေးဝန်ကြီးဌာနမှ အဆိုပြု ဖွဲ့စည်းပုံ(၅)ခု၊  စုစုပေါင်းအဆိုပြုဖွဲ့စည်းပုံ (၁၂)ခုနှင့် ပတ်သက်၍ ၆-၆-၂၀၁၉ရက်နေ့တွင် ထုတ်ပြန် ထားသည့် (၃၇/၂၀၁၉)ပါ နိုင်ငံ့ဝန်ထမ်းဖွဲ့စည်းပုံ အသစ် / တိုးချဲ့ / ပြင်ဆင် ဖွဲ့စည်းခြင်းဆိုင်ရာ မူဝါဒနှင့် ကိုက်ညီမှု ရှိ-မရှိ စိစစ်၍ ဆွေးနွေးဆုံးဖြတ်ခဲ့ကြပြီး ကြိုတင်ခွင့်ပြုမိန့် ထုတ်ပြန်ပေးပြီး ဖြစ်သည့် နိုင်ငံတော်သမ္မတရုံးဝန်ကြီးဌာနနှင့် တိုင်းရင်းသားလူမျိုးများရေးရာဝန်ကြီးဌာနတို့၏ ဖွဲ့စည်းပုံ(၂)ခုကို မှတ်တမ်းတင်ခြင်းများ ပြုလုပ်ခဲ့ကြပါသည်။