ပြည်ထောင်စုဝန်ကြီး ဦးကျော်ဝင်း ဟောင်ကောင်အုပ်ချုပ်ရေးမှူးချုပ်အား လက်ခံတွေ့ဆုံ

စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းသည် ယနေ့ မွန်းလွဲ ၃ နာရီတွင် ဟောင်ကောင်အုပ်ချုပ်ရေးမှူးချုပ် Mrs.Carrie Lam ဦးဆောင်သည့် ကိုယ်စားလှယ်အဖွဲ့အား စီမံကိန်း နှင့်ဘဏ္ဍာရေးဝန်ကြီးဌာန၊ ရုံးအမှတ်(၁) အစည်းအဝေးခန်းမ၌ လက်ခံတွေ့ဆုံခဲ့သည်။
ထိုသို့တွေ့ဆုံရာတွင် နှစ်နိုင်ငံအကြား စီးပွားရေးနှင့်ရင်းနှီးမြှုပ်နှံမှုဆိုင်ရာကိစ္စရပ်များ၊ မြန်မာနိုင်ငံသို့ လာရောက်ရင်းနှီးမြှုပ်နှံနိုင်မှု အခြေအနေများနှင့် နည်းပညာအကူအညီများ ပံ့ပိုးပေးနိုင်မှုအခြေအနေများ နှင့် စပ်လျဉ်း၍ ဆွေးနွေးခဲ့ကြကြောင်း သတင်းရရှိသည်။ 

နေပြည်တော် စက်တင်ဘာ ၁၈
(သတင်းစဉ်)