စီမံကိန်းနှင့် ဘဏ္ဍာရေးဝန်ကြီးဌာန၊ ငွေတိုက်ဦးစီးဌာနတွင် လစ်လပ်လျှက်ရှိသော စိစစ်ရေးမှူး(၂) ရာထူးအတွက် လျှောက်လွှာခေါ်ယူခြင်း

Position: စီစစ်ရေးမှူး (၂) ၊ လစာနှုန်း ၂၁၆၀၀၀-၂၀၀၀-၂၂၆၀၀၀။
Description:

ပြည်ထောင်စုသမ္မတမြန်မာနိုင်ငံတော်အစိုးရ

စီမံကိန်းနှင့်ဘဏ္ဍာရေးဝန်ကြီးဌာန

ငွေတိုက်ဦးစီးဌာန

လျှောက်လွှာခေါ်ယူခြင်း

      ငွေတိုက်ဦးစီးဌာနတွင် စိစစ်ရေးမှူး(၂)(လစာနှုန်းကျပ်၂၁၆၀၀၀-၂၀၀၀-၂၂၆၀၀၀) ရာထူး (၂၅)နေရာ လစ်လပ်လျက်ရှိပါသည်။  လစ်လပ်ရာထူး(၂၅)နေရာတွင် စီးပွားရေးတက္ကသိုလ်များမှ ဘွဲ့ရများနှင့် တက္ကသိုလ်များမှ ကွန်ပျူတာသိပ္ပံဘွဲ့ရသူများ၊ ဥပဒေဘွဲ့ရသူများကို ရွေးချယ်ခန့်ထားမည် ဖြစ်ပါသည်။

     ရွေးချယ်ခြင်းခံထားရသူများအား(လစာနှုန်းကျပ် ၂၁၆၀၀၀-၂၀၀၀-၂၂၆၀၀၀)တွင် ကနဦး လစာကျပ်၂၁၆၀၀၀/-ဖြင့်စတင်ခန့်ထားပါမည်။ ရွေးချယ်ခြင်းခံရသူများသည် ငွေတိုက်ဦးစီးဌာနတွင် တာ၀န်ထမ်းဆောင်ရမည်ဖြစ်ပြီး အရာထမ်းငယ်အခြေခံသင်တန်းသို့ တက်ရောက်ရမည်ဖြစ်ပါသည်။

    လျှောက်ထားသူသည်-

(က)    ပြည်ထောင်စုမြန်မာနိုင်ငံသားဖြစ်ရမည်။

(ခ)     အနည်းဆုံးပညာအရည်အချင်းမှာ အောက်ဖော်ပြပါဘွဲ့တစ်ခုခု ရရှိသူများ ဖြစ်ရပါမည်-

                   (၁)     ဝါဏိဇ္ဇဘွဲ့ (B.Com)

                   (၂)     စာရင်းကိုင်ပညာဘွဲ့ (B.Act)

                   (၃)     စီးပွားရေးလုပ်ငန်းစီမံခန့်ခွဲမှုဘွဲ့ (B.B.A)

                   (၄)     စီးပွားရေးပညာဘွဲ့(ဘောဂဗေဒ) B.Econ (Economics)

                   (၅)     ပြည်သူ့ရေးရာစီမံခန့်ခွဲမှုဘွဲ့ (B.P.A)

                   (၆)     ဖွံ့ဖြိုးရေးပညာဘွဲ့ (B.Dev.S)

                   (၇)     စီးပွားရေးပညာဘွဲ့(စာရင်းအင်း) B.Econ (Statistics)

                   (၈)     ကွန်ပျူတာသိပ္ပံဘွဲ့(B.C.S.C)                   

                   (၉)     ဥပဒေပညာဘွဲ့(L.L.B)

          (ဂ)     ၃၀-၁၁-၂ဝ၁၈ရက်နေ့တွင်အသက်(၂၅)နှစ်ထက်မကျော်စေရ။

          (ဃ)   နိုင်ငံ့ဝန်ထမ်းဖြစ်ပါက အထက်ပါစီးပွားရေးဘွဲ့များအပြင် B.A (Eco) ဘွဲ့ရရှိပြီး                   (၃၀-၁၁-၂၀၁၈)ရက်နေ့တွင်အသက်(၃ဝ)နှစ်မကျော်လွန်သူများလျှောက်ထားနိုင်ပါသည်။

            (င)     ဌာနတွင် အနည်းဆုံး (၃)နှစ် တာဝန်ထမ်းဆောင်နိုင်ရမည်။

 

 လျှောက်ထားသည့် စာရွက်စာတမ်းများကို စိစစ်ပြီးပါက သတ်မှတ်ချက်နှင့် ကိုက်ညီသူများသာ ရေးဖြေစာမေးပွဲကို ဖြေဆိုရမည်။ ဖြေဆိုရမည့်ဘာသာရပ်များမှာ မြန်မာစာ၊ အင်္ဂလိပ်စာနှင့် အထွေထွေ ဗဟုသုတတို့ ဖြစ်ပါသည်။ ရေးဖြေအောင်မြင်သူများသည် လူတွေ့စစ်ဆေးခြင်းနှင့် ကွန်ပျူတာ ကျွမ်းကျင်မှု စစ်ဆေးခြင်းအား ထပ်မံဖြေဆိုရမည်။ ရေးဖြေစာမေးပွဲအစီအစဉ်ကို သတင်းစာများတွင်  ထပ်မံကြော်ငြာပါမည်။

 လျှောက်ထားသူများသည် စာမေးပွဲ၀င်ကြေး ကျပ် ၁၀၀၀/- ပေးသွင်းရမည် ဖြစ်ပါသည်။ နေပြည်တော် မြန်မာ့စီးပွားရေးဘဏ်တွင် စာမေးပွဲ၀င်ကြေး ပေးသွင်းသူများသည် နေပြည်တော် မြန်မာ့ စီးပွားရေးဘဏ်ရှိ ငွေစာရင်းအမှတ် ၊ MD-012683 သို့   ငွေစာရင်းခေါင်းစဉ်  ၂၄ ။ ဘဏ္ဍာရေး ၊ ၇။ ငွေတိုက်ဦးစီးဌာန ၊“၁။ ပစ္စည်းများရောင်းချရငွေနှင့် ဆောင်ရွက်ပေးမှုအတွက် ရငွေများ၊ ၀၂။ ဆောင်ရွက်ပေးမှုအတွက် ရငွေများ”ဖြင့် ပေးသွင်းရမည်ဖြစ်ပြီး၊ စာရင်းအမှတ်အောက်ရှိ ကွက်လပ်တွင် “ငွေတိုက်ဦးစီးဌာန၊ စိစစ်ရေးမှူး-၂ ရာထူးအတွက် စာမေးပွဲ၀င်ကြေးပေးသွင်းခြင်း”ဟု ဖော်ပြ၍ ပေးသွင်းရမည် ဖြစ်ပါသည်။ နယ်မှပေးသွင်းသူများသည် fax ​ငွေလွှဲဖြင့် ပေးပို့နိုင်သည်။

   လျှောက်လွှာတွင် -

          (က)    အမည်နှင့်နိုင်ငံသားစိစစ်ရေးကတ်အမှတ်

          (ခ)     မွေးသက္ကရာဇ် (အသက်)                       

          (ဂ)     လူမျိုးနှင့်ကိုးကွယ်သည့်ဘာသာ

          (ဃ)    ပညာအရည်အချင်းနှင့် အောင်မြင်သည့်ခုနှစ်

          (င)     မိဘအမည်၊ နိုင်ငံသားစိစစ်ရေးကတ်အမှတ်နှင့် ၄င်းတို့၏အလုပ်အကိုင်နှင့် လိပ်စာ

          (စ)     ဝန်ထမ်းဖြစ်လျှင် အလုပ်အကိုင်နှင့်ဌာန

          (ဆ)    ဝန်ထမ်းမဟုတ်လျှင် အလုပ်သမားမှတ်ပုံတင်အမှတ်နှင့် မှတ်ပုံတင်သည့်ရက်စွဲ

          (ဇ)     ဆက်သွယ်ရန်လိပ်စာနှင့် တယ်လီဖုန်းအမှတ်

          (စျ)     အမြဲတမ်းလိပ်စာအပြည့်အစုံ

     လျှောက်လွှာနှင့်အတူ -

          (က)    ဝင်ကြေးပေးသွင်းချလန်မူရင်း

          (ခ)     ဘွဲ့လက်မှတ်မိတ္တူ

          (ဂ)     ရရှိသည့်ဘွဲ့၏ အမှတ်စာရင်းမိတ္တူ

          (ဃ)    အသက်အထောက်အထားအတွက် တက္ကသိုလ်ဝင်တန်းအောင် လက်မှတ်မိတ္တူ/ အခြေခံ ပညာအထက်တန်းအောင်လက်မှတ်မိတ္တူ

          (င)     အလုပ်သမားမှတ်ပုံတင်မိတ္တူ(နိုင်ငံ့ဝန်ထမ်းမဟုတ်သူများအတွက်)

 

          (စ)     နိုင်ငံ့ဝန်ထမ်းမဟုတ်သူများအတွက် ပြန်တမ်းဝင်အရာရှိနှင့် သက်ဆိုင်ရာ မြန်မာနိုင်ငံရဲ တပ်ဖွဲ့တို့မှ  ၁-၁၁-၂ဝ၁၈ရက်နေ့ နောက်ပိုင်းရရှိသည့် အကျင့်စာရိတ္တ ထောက်ခံချက်မူရင်း

          (ဆ)    (၁" x ၁.၅") ရောင်စုံဓါတ်ပုံ(၂)ပုံ(ကျောဖက်တွင် အမည်၊ နိုင်ငံသားစိစစ်ရေးကတ် အမှတ်ရေးရန်)

လျှောက်ထားသူများသည် လျှောက်လွှာပုံစံများအား စီမံကိန်းနှင့်ဘဏ္ဍာရေးဝန်ကြီးဌာန၊ ငွေတိုက်ဦးစီးဌာန၊ ရုံးအမှတ် (၃၄)၊ နေပြည်တော်တွင် ထုတ်ယူနိုင်ပြီး ဤဝန်ကြီးဌာန၏ Website www.mopf.gov.mm တွင် download ရယူ၍ လျှောက်ထားနိုင်သည်။

Contact:

   နိုင်ငံ့ဝန်ထမ်းမဟုတ်သူများ လျှောက်လွှာတင်သွင်းရာတွင် “ညွှန်ကြားရေးမှူးချုပ်၊ ငွေတိုက်ဦးစီး ဌာန၊ရုံးအမှတ်(၃၄)၊နေပြည်တော်”သို့ လိပ်စာတပ်ပြီး လူကိုယ်တိုင်လာရောက်၍သော်လည်းကောင်း၊ စာတိုက်မှ မှတ်ပုံတင်ပြုလုပ်၍သော်လည်းကောင်း၊ ငွေတိုက်ဦးစီးဌာနသို့  ၃၀-၁၂-၂ဝ၁၈  ရက်နေ့ နောက်ဆုံးထား၍  ပေးပို့ရမည်။

    နိုင်ငံ့ဝန်ထမ်းများသည် မိမိဝန်ကြီးဌာန၏ ခွင့်ပြုချက်ပါရှိသည့်လျှောက်လွှာကို ဤဦးစီးဌာနသို့ ၁၄-၁-၂ဝ၁၉ ရက်နေ့ နောက်ဆုံးထား၍ အရောက်ပေးပို့ပါရန်နှင့် လျှောက်လွှာမိတ္တူတစောင်ကို       ၃၀-၁၂-၂ဝ၁၈ ရက်နေ့ နောက်ဆုံထား၍ ဤဦးစီးဌာနသို့ ကြိုတင်ပေးပို့ရန်ဖြစ်ပါသည်။

   အသက်ကန့်သတ်ချက်ကျော်လွန်သူများနှင့် လျှောက်လွှာပိတ်ရက်ထက်နောက်ကျမှ ငွေသွင်းသူ များအား လက်ခံစဉ်းစားမည်မဟုတ်ပါ။ အသေးစိတ်သိရှိလိုပါက ငွေတိုက်ဦးစီးဌာန၊ စီမံရေးရာဌာနစု ဖုန်းအမှတ် ၀၆၇-၄၁၀၁၆၂ သို့ ဆက်သွယ်စုံစမ်းနိုင်ပါသည်။             

AttachmentSize
PDF icon form01.pdf164.85 KB
PDF icon Treasury Job Anno (25) Post.pdf1.22 MB