ရန်ကုန် ဒီဇင်ဘာလ ၃၀ ရက်

အမျိုးသားမှတ်တမ်းများ မော်ကွန်းတိုက်ဦးစီးဌာနသို့ အလှူရှင်များမှ မှတ်တမ်းအထောက်အထားများ၊ ဓါတ်ပုံမှတ်တမ်းများနှင့် စာအုပ်စာတမ်းများ လှူဒါန်းပွဲအခမ်းအနားကို (၃၀-၁၂-၂၀၁၇) ရက်နေ့ နံနက် (၁၀:၀၀) နာရီတွင် အမျိုးသားမှတ်တမ်းများမော်ကွန်းတိုက်ဦးစီးဌာန၊ ရန်ကုန်ရုံးခွဲတွင် ကျင်းပခဲ့ပါသည်။ အခမ်းအနားတွင် ဓါတ်ပုံပညာရှင် ဦးကျော်သာ (ဟိုက်ချင်း)မှ ကိုယ်တိုင်ရိုက်ကူး မှတ်တမ်းတင်ထားသည့် ကချင်ပြည်နယ်အတွင်းရှိ ရေခဲတောင်ဒေသ မှတ်တမ်းဓါတ်ပုံများ၊ (Amazing Hkakabo Razi) စာအုပ် (၂) အုပ်နှင့် Hkakabo Razi ပတ်ဝန်းကျင်ဒေသ ဓါတ်ပုံကားချပ် (၂) ချပ်၊ (၁၉၆၄-၁၉၈၈) လူရည်ချွန်အဖွဲ့မှ လူရည်ချွန်မှတ်တမ်း အတွဲ (၁)၊ လူရည်ချွန်မှတ်တမ်း (၂၀၁၄ နှင့် ၂၀၁၇) တို့ကို လှူဒါန်းပေးအပ်ခဲ့ပြီး ညွှန်ကြားရေးမှူးချုပ် ဦးဆန်းမြင့်မှ အလှူရှင်များအား ဂုဏ်ပြုမှတ်တမ်းနှင့်တကွ အမှတ်တရ လက်ဆောင်များ ပြန်လည်ပေးအပ်ခဲ့ပါသည်။

အခမ်းအနားသို့ အမျိုးသားမှတ်တမ်းများ မော်ကွန်းတိုက်ဦးစီးဌာန ဒုတိယညွှန်ကြားရေးမှူးချုပ် ဒေါ်သီတာမြင့်နှင့် အရာထမ်း (၁၀) ဦး၊ အလှူရှင် (၁၄) ဦးတို့ တက်ရောက်ခဲ့ပါသည်။