ထိုင်းနိုင်ငံ၊ ဗန်ကောက်မြို့တွင်  ၂၀၁၉ ခုနှစ် မတ်လ (၁၈) ရက်နေ့မှ  (၂၂) ရက်နေ့အထိ ကျင်းပသည့် အရှေ့အာရှနှင့် ပစိဖိတ်ဒေသများတွင် အပြန်အလှန်တာဝန်ယူမှုရှိပြီး စွမ်းဆောင်နိုင် စွမ်းရှိသောဝန်းကျင်တစ်ခုဖန်တီးနိုင်ရန်နှင့် သန့်ရှင်းသောသောက်သုံးရေနှင့် မိလ္လာစနစ်ရရှိရေး အား စောင့်ကြည့်အကဲဖြတ်နိုင်ရန်အတွက် မူဝါဒဆိုင်ရာအစည်းအဝေးသို့ ဗဟိုစာရင်းအင်းအဖွဲ့မှ ဒုတိယညွှန်ကြားရေးမှူးချုပ် ဦးသန်းဇော် ဦးဆောင်၍ စိုက်ပျိုးရေး၊ မွေးမြူရေးနှင့်ဆည်မြောင်း ဝန်ကြီးဌာန၊ ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ ဒုတိယညွှန်ကြားရေးမှူးချုပ် ဦးသိန်းလွင်နှင့် ကျန်းမာရေးနှင့် အားကစားဝန်ကြီးဌာန၊ ပြည်သူ့ကျန်းမာရေးဦးစီးဌာနမှ ဒုတိယ တိုင်းဒေသကြီးကျန်းမာရေးဦးစီးဌာနမှူး ဒေါက်တာသီဟအောင်တို့ တက်ရောက်ခဲ့ပါသည်။

အစည်းအဝေးတွင် ပတ်ဝန်းကျင်အကျိုးပြုမှု အားကောင်းလာစေရေး၊ SWA အပြန် အလှန်တာဝန်ယူမှု မူဘောင်ဆိုင်ရာကိစ္စရပ်များနှင့် SDG 6 စောင့်ကြည့်စစ်ဆေးခြင်းနှင့်စပ် လျဉ်းပြီး အပိုင်း (၂) ပိုင်းခွဲ၍ ဆွေးနွေးခဲ့ကြပြီးနောက် ကမ္ဘာ့ရေနေ့အခမ်းအနားအား ကျင်းပခဲ့ပါ သည်။

အဆိုပါအစည်းအဝေး ကျင်းပရခြင်း၏ရည်ရွယ်ချက်မှာ SDG 6 တွင်ပါဝင်သော Water, Sanitation and Hygiene (WASH) ဝန်ဆောင်မှုလုပ်ငန်းများ ဆောင်ရွက်နိုင်ရန်၊ ကျန်းမာရေးနှင့်ညီညွတ်သော ပတ်ဝန်းကျင်တစ်ခုဖန်တီးရာတွင် အထောက်အကူဖြစ်စေသော Sanitation and Water for All (SWA)  မူဘောင်တစ်ခုတည်ထောင်နိုင်ရန်၊ ဒေသတွင်းနိုင်ငံများမှ SWA Partner အသစ်များပါဝင်လာစေရန်နှင့် ပူးပေါင်းဆောင်ရွက်မှုများ ချဲ့ထွင်နိုင်စေရန်တို့ ဖြစ်ပါ သည်။

(သတင်းစဉ်)