ဗဟိုစာရင်းအင်းအဖွဲ့၊ ဒုတိယညွှန်ကြားရေးမှူးချုပ်နှင့် အဖွဲ့သည် တနင်္သာရီတိုင်းဒေသကြီး၊ ထားဝယ်မြို့နယ်တွင် မြန်မာနိုင်ငံအသေးစား ၊ အငယ်စားနှင့် အလတ်စားစီးပွားရေးလုပ်ငန်း (ကုန်ထုတ်လုပ်မှု) စစ်တမ်းကောက်ယူနေမှုများကို ကြည့်ရှုစစ်ဆေးခြင်းနှင့် တနင်္သာရီတိုင်းဒေသကြီး ဗဟိုစာရင်းအင်းအဖွဲ့ ဝန်ထမ်းများနှင့်တွေ့ဆုံခြင်း

           စီမံကိန်းနှင့်ဘဏ္ဍာရေးဝန်ကြီးဌာန၊ ဗဟိုစာရင်းအင်းအဖွဲ့ ဒုတိယညွှန်ကြားရေးမှူးချုပ်နှင့် အဖွဲ့သည် ၂၀၁၉ ခုနှစ် ဇွန်လ (၃) ရက်နေ့မှ (၅) ရက်နေ့အထိ တနင်္သာရီတိုင်းဒေသကြီး၊ ထားဝယ်မြို့နယ်အတွင်းရှိ စော်ဝကျေးရွာ၊ ရှင်မုတ္ထီးကျေးရွာ၊ ကြက်စားပြင်ရပ်ကွက်၊ ဒေါင်းငူ ရပ်ကွက်နှင့် မြောင်းပုလဲရပ်ကွက်တို့တွင် မြန်မာနိုင်ငံ အသေးစား၊ အငယ်စားနှင့် အလတ်စား စီးပွားရေးလုပ်ငန်း (ကုန်ထုတ်လုပ်မှု) စစ်တမ်းကောက်ယူနေမှုများကို ကြည့်ရှုစစ်ဆေးခဲ့ပါသည်။

ထို့နောက် ဗဟိုစာရင်းအင်းအဖွဲ့၊ ဒုတိယညွှန်ကြားရေးမှူးချုပ် ဦးသန်းဇော်သည် (၅.၆.၂၀၁၉) ရက်နေ့တွင် တနင်္သာရီတိုင်းဒေသကြီး ဗဟိုစာရင်းအင်းအဖွဲ့ရုံးခွဲမှ ဝန်ထမ်းများနှင့် တွေ့ဆုံ၍ တိကျမှန်ကန်ပြီး အရည်အသွေးပြည့်ဝသော စာရင်းအင်းများရရှိရန်အတွက် ဆောင်ရွက်ရမည့် ကိစ္စရပ်များကိုလည်းကောင်း၊ တနင်္သာရီတိုင်းဒေသကြီးမှ ကောက်ယူစုစည်း ရရှိသော စာရင်းအင်းအချက်အလက်များကို တိုင်းဒေသကြီးအစိုးရအဖွဲ့နှင့် သက်ဆိုင်ရာဌာန များအား ပံ့ပိုးပေးနိုင်ရန်၊ ဈေးနှုန်းကောက်ယူရာတွင် အချိန်နှင့်တစ်ပြေးညီ မှန်ကန်စွာကောက်ယူ ရန်၊ ငွေစာရင်းကိစ္စရပ်များအား အထူးအလေးထားဆောင်ရွက်ရန်နှင့် ဗဟိုစာရင်းအင်းအဖွဲ့မှ ဆောင်ရွက်နေသော လုပ်ငန်းများကို ရှင်းလင်းပြောကြားပြီး လိုအပ်သည်များကို လမ်းညွှန်မှာ ကြားခဲ့ပါသည်။

, ,