ဆက်သွယ်ရေးဝန်ဆောင်မှုတန်ဖိုးများကို ပိုမိုခိုင်မာသည့် ခန့်မှန်းမှုဖြစ်စေရေးအတွက် မိုဘိုင်းဖုန်းသုံးစွဲမှုအခြေအနေ

လေ့လာဆန်းစစ်မှုနည်းပြ(Training   of Trainers-ToT) သင်တန်း ကို စီမံကိန်းရေးဆွဲရေးဦးစီးဌာန(ရုံးချုပ်) တွင်

၁၄-၆-၂၀၁၉ ရက်နေ့မှ ၁၆-၆-၂၀၁၉ ရက်နေ့ထိ (၃) ရက်ကြာ ကျင်းပခဲ့ပါသည်။ အဆိုပါ သင်တန်းဖွင့်ပွဲအခမ်းအနားတွင်

ညွှန်ကြားရေးမှူးချုပ်က အမှာစကားပြောကြားခဲ့ပြီး ကွင်းဆင်းကောက်ယူမှုကို ဒုတိယညွှန်ကြားရေးမှူးချုပ်က

ကြီးကြပ်ဆောင်ရွက်ခဲ့ပါသည်။ သင်တန်းတွင် မေးခွန်းလွှာများ၊ လုပ်ငန်းစီမံချက်၊ စာရင်းကောက်လက်စွဲစာအုပ်များ၊

ကွင်းဆင်းကောက်ယူမည့် စာရင်းဇယားများအား ရှင်းလင်းဆွေးနွေခြင်းနှင့်  မေးခွန်းလွှာများကို ကွန်ပျူတာဖြင့်

အချက်အလက် ရေးသွင်းခြင်းတို့ကို စာတွေ့လက်တွေ့ဖြည့်သွင်းခြင်းများ ပြုလုပ်ခဲ့ပါသည်။ ထို့အပြင် ပျဉ်းမနားမြို့နယ်တွင်

လက်တွေ့ ကွင်းဆင်းကောက်ယူမှု ဆောင်ရွက်ခဲ့ပါသည်။ တိုင်းဒေသကြီး/ပြည်နယ် အသီးသီးတွင်  သင်တန်းပို့ချမှုနှင့်

လေ့လာဆန်းစစ်မှုများကို ဆက်လက် ပြုလုပ်သွားမည် ဖြစ်ပါသည်။