အာမခံလုပ်ငန်းများနှင့်ပတ်သက်၍ ရှင်းလင်းဟောပြောပွဲကျင်းပခြင်း

မြန်မာ့အာမခံလုပ်ငန်း၊ မွန်ပြည်နယ်ရုံးမှ ပြည်နယ်တာဝန်ခံ ဦးအောင်ဟိန်းကျော်နှင့် ဝန်ထမ်း များသည် ၁၅-၈-၂၀၁၈ ရက်နေ့ နံနက် ၉:၀၀ နာရီတွင် မွန်ပြည်နယ်၊ မုဒုံမြို့ရှိ ဟင်္သာခန်းမတွင် မြို့နယ်အဆင့် ဌာနဆိုင်ရာများ၊ မြို့မိမြို့ဖများ၊ စီးပွားရေးလုပ်ငန်းရှင်များ၊ ပြည်သူများနှင့် တွေ့ဆုံ၍ အာမခံလုပ်ငန်းများနှင့်ပတ်သက်၍ ရှင်းလင်းဟောပြောစည်းရုံးဆောင်ရွက်ခဲ့ပါသည်။

အဆိုပါအခမ်းအနားသို့ စုစုပေါင်းအင်အား (၃၀၀) ဦးခန့်တက်ရောက်ခဲ့ပြီး ပြည်နယ်တာဝန်ခံ မှ လက်ခံဆောင်ရွက်ပေးလျက်ရှိသော အာမခံအမျိုးအစားများနှင့်ပတ်သက်၍ လက်ကမ်းကြော်ငြာများဝေငှပြီး အသေးစိတ်ရှင်းလင်းဟောပြောစည်းရုံးဆောင်ရွက်ခဲ့ရာ တက်ရောက်လာသူများမှ သိလိုသည်များကို ပြန်လည်မေးမြန်းခဲ့ကြပါသည်။