_0.png)
မြန်မာ့အာမခံလုပ်ငန်း၊ မြဝတီခရိုင်ရုံး၏ အာမခံအကြောင်း အသိပညာပေးဟောပြောပွဲ ၁၀-၈-၂၀၁၈ ရက်နေ့ နံနက် ၇:၃၀ နာရီတွင် မြဝတီမြို့၊ အမှတ် (၄) ရပ်ကွက်၊ ရပ်ကွက်အုပ်ချုပ်ရေးမှူး ရုံးခန်းမ၌ ကျင်းပပြုလုပ်ရာ (၈၅) ဦးခန့် တက်ရောက်ခဲ့ပါသည်။
အဆိုပါဟောပြောပွဲတွင် မြဝတီခရိုင်ရုံး ဒု-တာဝန်ခံ ဒေါ်နီလာအေး မှ မြန်မာ့အာမခံလုပ်ငန်းမှ လက်ရှိဆောင်ရွက်လျက်ရှိသော လုပ်ငန်းကြီး (၅) မျိုးအနက်မှ မီးအာမခံအကြောင်းနှင့် အသက် အာမခံခေါင်းစဉ်အောက်မှ တောင်သူလယ်သမားအသက်အာမခံအကြောင်းကို ပြည်သူများ သိရှိနားလည်စေရန် အဓိကထားပြီး ဟောပြောခဲ့ပါသည်။
တက်ရောက်လာသူများမှလည်း သိရှိလိုသည့် အာမခံအကြောင်းများကို မေးမြန်းရာ ဒု-တာဝန်ခံ မှ အသေးစိတ်ပြန်လည်ရှင်းလင်းဖြေကြားပြီး ဝန်ထမ်းများမှ တောင်သူလယ်သမားအသက် အာမခံထားရှိလိုသည့် ပြည်သူများအား ချက်ချင်းလက်ခံဆောင်ရွက်ပေးခဲ့ပါသည်။
