“ မြန်မာ့အာမခံလုပ်ငန်း နှင့် SHIN YE HTUT GROUP (HRSE, IRMC, DIT, SYH) တို့ နားလည်မှုစာချွန်လွှာ MoU ရေးထိုးပွဲအခမ်းအနား”

စီမံကိန်းနှင့်ဘဏ္ဍာရေးဝန်ကြီးဌာန၊ မြန်မာ့အာမခံလုပ်ငန်းရုံးချုပ်တွင် မြန်မာ့အာမခံလုပ်ငန်း နှင့် SHIN YE HTUT GROUP (HRSE, IRMC, DIT, SYH) တို့ နားလည်မှုစာချွန်လွှာ (MoU) ချုပ်ဆိုပွဲအခမ်းအနားကို ယနေ့ (၂၈.၈.၂၀၁၈) ရက်နေ့ နံနက် (၁၁:၀၀) နာရီတွင် ကျင်းပပြုလုပ်ရာ အာမခံလုပ်ငန်းကြီးကြပ်ရေးအဖွဲ့ အတွင်းရေးမှူး ဦးဇော်နိုင် နှင့် မြန်မာ့အာမခံလုပ်ငန်း ဦးဆောင်ညွှန်ကြားရေးမှူး ဒေါက်တာစန္ဒာဦး၊ အာမခံလုပ်ငန်းကြီးကြပ် ရေးအဖွဲ့ အဖွဲ့ဝင်များ၊ ဌာနအကြီးအကဲများ၊ အရာထမ်းများ၊ SHIN YE HTUT GROUP ၏ အမှုဆောင်အရာရှိချုပ်များဖြစ်သော Mr. Daniel Gunawan (South & South East Asia, Hannover Rusk SE) ၊  Mr. Hardial Singh (Managing Director, International Risk Management Consultants Ltd.) ၊ Mr. Hisao Inoue (President, DI Tokyo Co., Ltd.) နှင့် U Ye Htut (Chairman, Shin Ye Htut Co., Ltd.) နှင့် ဖိတ်ကြားထားသော ဧည့်သည်တော်များ တက်ရောက်ခဲ့ကြပါသည်။

အဆိုပါအခမ်းအနားတွင် အာမခံလုပ်ငန်းကြီးကြပ်ရေးအဖွဲ့ အတွင်းရေးမှူး ဦးဇော်နိုင် နှင့် မြန်မာ့အာမခံလုပ်ငန်း ဦးဆောင်ညွှန်ကြားရေးမှူး ဒေါက်တာစန္ဒာဦး တို့က အမှာစကား အသီးသီးပြောကြားရာတွင် ယခု MoU ​ရေးထိုးပွဲသည် မြန်မာနိုင်ငံနှင့် ဂျပန်၊ ဂျာမနီ၊ မလေးရှားနိုင်ငံတို့အကြား ပူးပေါင်းဆောင်ရွက်မှု၏ ရလဒ်ဖြစ်သော ဆောက်လုပ်ရေးဝန်ကြီး ဌာန၏ အိမ်ရာတစ်သန်းစီမံကိန်းအတွက် လိုအပ်သောအာမခံဆိုင်ရာကိစ္စရပ်များဆောင်ရွက်ရန် သက်ဆိုင်ရာနိုင်ငံကိုယ်စားပြု နိုင်ငံတကာအာမခံလုပ်ငန်းများနှင့် နားလည်မှုစာချွန်လွှာ ရေးထိုး ခြင်းဖြင့် မြန်မာနိုင်ငံ၏ စီးပွားရေးဖွံ့ဖြိုးတိုးတက်မှုနှင့် ပြည်သူများ၏ အဓိကလိုအပ်ချက် ဖြစ်သော အိမ်ရာပိုင်ဆိုင်မှုတွင် များစွာအထောက်အကူပြုပါကြောင်း ပြောကြားခဲ့ပါသည်။

ယင်းနောက်နားလည်မှုစာချွန်လွှာအား မြန်မာ့အာမခံလုပ်ငန်း၏ ဦးဆောင်ညွှန်ကြားရေးမှူး ဒေါက်တာစန္ဒာဦးနှင့် SHIN YE HTUT GROUP မှ အမှုဆောင်အရာရှိချုပ်များ အသီးသီး လက်မှတ်ရေးထိုး လဲလှယ်ခဲ့ကြပါသည်။