_0.png)
မြန်မာ့အာမခံလုပ်ငန်း၊ စစ်ကိုင်းခရိုင်ရုံးမှ အာမခံလုပ်ငန်းအသိပညာပြန့်ပွားရေး ဟောပြောပွဲကို (၂၀-၅-၂၀၁၈)ရက်နေ့ နံနက် ၉:၀၀ နာရီတွင် အမှတ်(၃)ရဲလေ့ကျင့်ရေး သင်တန်းကျောင်း၊ စစ်ကိုင်းမြို့တွင် ကျင်းပပြုလုပ်ခဲ့ရာ နည်းပြမှူးချုပ် ရဲမှူး(၁)ဦး၊ သင်တန်းတပ်ခွဲမှူး ဒုရဲမှူး(၂)ဦး၊ နည်းပြသင်တန်းဆရာ အရာရှိများနှင့် သင်တန်းသား (၃၉၁)ဦး စုစုပေါင်း ၄၀၀ ဦးခန့် တက်ရောက်ကြပါသည်။
(၂၃-၅-၂၀၁၈)ရက်နေ့ နံနက် ၁၁:၀၀ နာရီတွင် စစ်ကိုင်းပညာရေးကောလိပ်ရှိ မြဧရာခန်းမ၌ အာမခံအကြောင်းသိကောင်းစရာများနှင့် အာမခံလုပ်ငန်းအမျိုးမျိုးအား လုပ်ကိုင်ဆောင်ရွက်ပေးနေမှုများကို ဟောပြောစည်းရုံးဆောင်ရွက်ခဲ့ပါသည်။ အဆိုပါ ဟောပြောပွဲသို့ ဌာနမှူးများ၊ ဆရာ/ဆရာမများနှင့် သင်တန်းသူ/သင်တန်းသားများ စုစုပေါင်း(၃၄၀)ဦး တက်ရောက်ခဲ့ပါသည်။
အာမခံထားရှိခြင်းအကြောင်းနှင့်ပတ်သက်၍ သိရှိလိုသည်များကို မေးမြန်းရာ ခရိုင်တာဝန်ခံမှ အသေးစိတ်ပြန်လည်ရှင်းလင်းဆွေးနွေးခဲ့ပါသည်။
