စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန၊ ပြည်ထောင်စုဝန်ကြီး ဦးစိုးဝင်း နှင့် Young President Organization (YPO) Yangon Chapter အသင်းဝင်များ “မြန်မာနိုင်ငံ၏ အနာဂတ် စီးပွားရေးအလားအလာနှင့် လုပ်ငန်းရှင်များ ပူးပေါင်းဆောင်ရွက်သင့်သည်များ” ခေါင်းစဉ်ဖြင့် တွေ့ဆုံပွဲကျင်းပ

စီမံကိန်း၊ ဘဏ္ဍာရေးနှင့် စက်မှုဝန်ကြီးဌာန၊ ပြည်ထောင်စုဝန်ကြီး ဦးစိုးဝင်း နှင့် Young President Organization (YPO) Yangon Chapter အသင်းဝင်များ  “မြန်မာနိုင်ငံ၏ အနာဂတ် စီးပွားရေးအလားအလာနှင့် လုပ်ငန်းရှင်များ ပူးပေါင်းဆောင်ရွက်သင့်သည်များ” ခေါင်းစဉ်ဖြင့် တွေ့ဆုံပွဲကို ၂၃-၁-၂၀၂၀ ရက်နေ့၊ နံနက် ၁၀ နာရီတွင်  နေပြည်တော်ရှိ အမျိုးသားမှတ်တမ်းများ မော်ကွန်း တိုက် ဦးစီးဌာန၊ အစည်းအဝေးခန်းမ၌ ကျင်းပခဲ့သည်။

ဆွေးနွေးပွဲသို့ ပြည်ထောင်စုဝန်ကြီး ဦးစိုးဝင်း၊ ဒုတိယဝန်ကြီးများ၊ အမြဲတမ်းအတွင်းဝန်များ၊ ဦးဆောင်ညွှန်ကြားရေးမှူး/ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များ၊ Young President Organization (YPO) Yangon Chapter အသင်းဝင်များနှင့် တာဝန်ရှိသူများ တက်ရောက်ခဲ့ကြသည်။

ရှေးဦးစွာ ပြည်ထောင်စုဝန်ကြီးက နိုင်ငံတော်အစိုးရအနေဖြင့်  အကောင်အထည်ဖော် ဆောင်ရွက်လျက်ရှိသည့် မြန်မာနိုင်ငံ၏ ရေရှည်တည်တံ့ခိုင်မြဲပြီး ဟန်ချက်ညီသော ဖွံ့ဖြိုး တိုးတက်မှုစီမံကိန်းများနှင့် စပ်လျဉ်း၍ လည်းကောင်း၊ MSDP တွင် ပါဝင်သည့် မဟာဗျူဟာနှင့်  လုပ်ငန်းစဉ်များကို အကောင်အထည်ဖော်နိုင်ရေးအတွက် Project Bank လုပ်ငန်းစဉ်များ ဆောင်ရွက်နေမှု အခြေအနေများကိုလည်းကောင်း၊  Project Bank ဆိုင်ရာလုပ်ငန်းများနှင့် ဆက်စပ် ဆောင်ရွက်နိုင်ရန် Public- Private Partnership (PPP) Center တည်ထောင်ထားရှိမှု အခြေအနေများကို လည်းကောင်း၊ Digital Economy အောင်မြင်စွာ ပေါ်ထွန်းလာစေရန်နှင့် Digital Economy ကိုအခြေခံပြီး အခြားစီးပွားရေးကဏ္ဍများ ဖွံ့ဖြိုးတိုးတက်ရန်၊ ပြည်သူများ ဒီဂျစ်တယ် နည်းပညာကို အသုံးပြုပြီး လူမှုစီးပွားဘဝ ဖွံ့ဖြိုးတိုးတက် လာအောင် ဆောင်ရွက် နိုင်ရန် ရည်ရွယ်၍ “ဒီဂျစ်တယ်စီးပွားရေး ဖွံ့ဖြိုးတိုးတက်မှုကော်မတီကို ဖွဲ့စည်းဆောင်ရွက် လျက်ရှိသည့် အခြေအနေများကို လည်းကောင်း ဆွေးနွေးပြောကြားခဲ့ပြီး အခွန်ဆိုင်ရာ ကိစ္စရပ် များနှင့် အကောက်ခွန်ဆိုင်ရာ ကိစ္စရပ်များကို ဆောင်ရွက်နေသည့် အခြေအနေများ၊ အသေးစား၊ အငယ်စားနှင့် အလတ်စား စီးပွားရေးလုပ်ငန်းများအတွက် ချေးငွေဝန်ဆောင်မှုပေးနိုင်ရန် ချေးငွေ အာမခံအဖွဲ့အစည်း ထူထောင်နိုင်ရေးကိစ္စ ဆောင်ရွက်နိုင်မှု အခြေအနေများကိုလည်း ဆွေးနွေးခဲ့ ပါသည်။

ထို့နောက် Young President Organization (YPO) Yangon Chapter အသင်းဝင်များမှ မြန်မာနိုင်ငံ၏ အနာဂတ် စီးပွားရေးအလားအလာနှင့် ၎င်းတို့ လက်ရှိဆောင်ရွက်နေသည့် အစီ အစဉ်များ၊ ဆက်လက်ဆောင်ရွက်မည့် အစီအစဉ်များနှင့် စပ်လျဉ်း၍ ဆွေးနွေးခဲ့ကြပြီး သိလိုသည်များကို ဆွေးနွေးမေးမြန်းရာ ပြည်ထောင်စုဝန်ကြီး၊ ဒုတိယဝန်ကြီးများ၊ အမြဲတမ်း အတွင်းဝန်များနှင့် တာဝန်ရှိသူများမှ ပြန်လည်ဖြေကြားခဲ့ပြီး တွေ့ဆုံပွဲကို နေ့လည် ၁ နာရီတွင် ရုတ်သိမ်းခဲ့ကြောင်း သိရသည်။