AMRO Mission နှင့် တွေ့ဆုံဆွေးနွေးမှု

စီမံကိန်းနှင့်ဘဏ္ဍာရေးဝန်ကြီးဌာန ၊ ရသုံးမှန်းခြေငွေစာရင်းဦးစီးဌာနမှ ဒုတိယ ညွှန်ကြားရေးမှူးချုပ် ဒေါ်ရီရီမြင့် ဦးဆောင်သော တာဝန်ရှိပုဂ္ဂိုလ်များ နှင့် AMRO Mission မှ  Mr. Toshinori Doi ဦးဆောင်သောအဖွဲ့တို့သည် ၂၀၁၉ ခုနှစ်၊ ဇွန်လ( ၂၅) ရက်နေ့၊ နံနက် (၉:၀၀) တွင် ရုံးအမှတ် (၂၆) ၊ ရသုံးမှန်းခြေငွေစာရင်းဦးစီးဌာန၊ အစည်းအဝေးခန်းမ၌ တွေ့ဆုံ ဆွေးနွေးခဲ့ကြပါသည်။ အဆိုပါ ဆွေးနွေးပွဲတွင် AMROမစ်ရှင်အဖွဲ့အနေဖြင့် မြန်မာနိုင်ငံ၏ မေခရို စီးပွားရေး အလားအလာများ၊ မေခရိုစီးပွားရေးဆိုင်ရာ မူဝါဒများနှင့်စပ်လျဉ်း၍ သုတေသန ပြုလုပ် ရန် မြန်မာနိုင်ငံ၏ ၂၀၁၈-၂၀၁၉ ခု ၊ ဘဏ္ဍာရေးနှစ်တွင် ဌာနအဖွဲ့အစည်းများ၏ ဘတ်ဂျက်အကောင် အထည်ဖော်ဆောင်ရွက်နိုင်မှုအခြေအနေများ၊နိုင်ငံတော်ပိုင်စီးပွားရေးအဖွဲ့အစည်းများ၏ ငွေကြေး စီမံခန့်ခွဲမှုအခြေအနေများ၊ ၂၀၁၉-၂၀၂၀ခု၊ ဘဏ္ဍာနှစ်အတွက် ဘဏ္ဍာငွေအရအသုံးဆိုင်ရာ ဥပဒေ ပြဌာန်းနိုင်ရေး ဆောင်ရွက်နေမှု အခြေအနေများနှင့် စပ်လျဉ်း၍ ဆွေးနွေးခဲ့ပါသည်။