_0.png)
စီမံကိန်းနှင့်ဘဏ္ဍာရေးဝန်ကြီးဌာန သည် မြန်မာနိုင်ငံ ပြည်သူ့ဘဏ္ဍာရေးစီမံခန့်ခွဲမှု ခေတ်မီ ဖွံ့ဖြိုးတိုးတက်ရေး စီမံကိန်း အစီအစဉ် ဖြင့် PFM Academy သင်တန်းကျောင်း တည်ထောင် ရေးဆိုင်ရာ လုပ်ငန်းစဉ်များအား အကောင် အထည်ဖော် ဆောင်ရွက်လျက်ရှိပါသည်။ PFM Academy သင်တန်းကျောင်း အတွက် သင်ရိုးညွှန်းတမ်းရေးဆွဲ ခြင်း၊ အဆောက်အဦ တည်ဆောက် ခြင်း၊ သင်တန်းအကောင်အထည်ဖော်ြခင်းတို့နှင့် စပ်လျဉ်း၍ ဆွေးနွေးရန်အတွက် ပြည်သူ့ဘဏ္ဍာရေး သင်တန်းကျောင်း ဦးဆောင်စိစစ်ရေးဘုတ်အဖွဲ့ အစည်းအဝေး (၄/၂၀၁၉) ကို ၂၀၁၉ ခုနှစ်၊ ဇွန်လ (၂၀) ရက်နေ့၊ နံနက် (၉:၀၀) နာရီ အချိန်တွင် ရုံးအမှတ် (၂၆)၊ စီမံကိန်းနှင့် ဘဏ္ဍာရေး ဝန်ကြီးဌာန၊ အစည်းအဝေးခန်းမ၌ ကျင်းပပြုလုပ်ခဲ့ပါသည်။ အဆိုပါ အစည်းအဝေးကို ပြည်သူ့ ဘဏ္ဍာရေး စီမံခန့်ခွဲမှု သင်တန်းကျောင်းဦးဆောင် စိစစ်ရေးဘုတ်အဖွဲ့ဉက္ကဌ၊ စီမံကိန်းနှင့် ဘဏ္ဍာရေး ဝန်ကြီးဌာန၊ ဒုတိယဝန်ကြီး ဦးမောင်မောင်ဝင်း ဦးဆောင်ပြီး အဖွဲ့ဝင်များ ဖြစ်သည့် ပြည်ထောင်စု လွှတ်တော်ရုံး၊ ပြည်သူ့ငွေစာရင်းပူးပေါင်းကော်မတီ၊ ပြည်ထောင်စုစာရင်းစစ်ချုပ်ရုံး၊ မြန်မာ့စီးပွားရေး ဘဏ်၊ ငွေတိုက်ဦးစီးဌာန၊ ပြည်တွင်း အခွန်များဦးစီးဌာန၊ စီမံကိန်းရေးဆွဲရေးဦးစီးဌာန၊ စီမံကိန်း စိစစ်ရေးနှင့် တိုးတက်မှု အစီရင်ခံရေးဦးစီးဌာန၊ ရသုံးမှန်းခြေငွေစာရင်းဦးစီးဌာနတို့မှ ဌာန အကြီး အကဲများ တက်ရောက်ခဲ့ကြပြီး သင်ရိုး ညွှန်းတမ်း ရေးဆွဲပြီးစီးမှုနှင့် သင်တန်းကျောင်းဆောက် လုပ်ပြီးစီးမှု အခြေအနေများ၊ သင်တန်း အကောင်အထည်ဖော်ရန် ဆောင်ရွက်ထားရှိမှု အခြေအနေ များ နှင့် ရှေ့ဆက်လက်ဆောင်ရွက်မည့် အခြေအနေများကို ဆွေးနွေးခဲ့ကြပါသည်။