_0.png)
(၂၂-၇-၂၀၁၈)ရက်နေ့ နေ့လည် ၁:၀၀ နာရီတွင် ပြည်နယ်တာဝန်ခံ ဦးခင်ဖေမှ မြန်မာ့အာမခံလုပ်ငန်း၊ ရခိုင်ပြည်နယ်၊ စစ်တွေမြို့ရုံးအပေါ်ထပ်၌ အာမခံလုပ်ငန်းအကြောင်းသိကောင်းစရာများ အသိပညာပေး ဟောပြောဆွေးနွေးပွဲကို ကျင်းပပြုလုပ်ခဲ့ပါသည်။
ဟောပြောပွဲတွင် မြန်မာ့အာမခံလုပ်ငန်းမှ လက်ရှိဆောင်ရွက်လျက်ရှိသော လုပ်ငန်း(၅)မျိုးအား ရှင်းလင်းပြောကြားပြီး အလုံးစုံအာမခံလုပ်ငန်းနှင့် သူတစ်ပါးထိခိုက်မှုအာမခံလုပ်ငန်းအကြောင်းကို အကျယ်တဝင့် ရှင်းလင်းပြောကြားခဲ့ပါသည်။
အခမ်းအနားသို့ ယာဉ်ပိုင်ရှင်များ၊ ယာဉ်မောင်းလိုင်စင်ပြုလုပ်ကြသူများနှင့် လုပ်သားပြည်သူ (၆၀) ဦးခန့် တက်ရောက်ကြပြီး တက်ရောက်လာသူများ၏ မေးမြန်းချက်များကို တာဝန်ရှိသူများက ပြန်လည်ဆွေးနွေးဖြေကြားခဲ့ပါသည်။
