နေပြည်တော်၊ ဇူလိုင် ၃

နိုင်ငံပိုင်ကဏ္ဍအတွက် နိုင်ငံတကာစာရင်းစံများ၊ ငွေသားအခြေခံအပိုင်း(၁) (International Public Sector Accounting Standards – IPSAS, Part 1 of Cash-Basis ) ဆင့်ပွားသင်တန်း အမှတ်စဉ်(၂) သင်တန်းဆင်းပွဲအခမ်းအနားကို ယနေ့ နေ့လယ် (၃:၄၅) နာရီတွင် နေပြည်တော်ရှိ စီမံကိန်းနှင့်ဘဏ္ဍာရေးဝန်ကြီးဌာန၊ စုပေါင်းခန်းမ၌ ကျင်းပသည်။

အခမ်းအနားတွင် ငွေတိုက်ဦးစီးဌာန၊ ညွှန်ကြားရေးမှူးချုပ်က IPSAS ကိုဝန်ထမ်းများအနေဖြင့် ရင်းနှီးပြီးသားလို့ယုံကြည်ပါကြောင်း၊ IPSASကို အကောင်အထည်ဖော်ရန် ကမ္ဘာ့ဘဏ်၏ အကူအညီဖြင့် Gap Analysis Report ကို ဦးစွာရေးဆွဲပြီး Transition Plan and Roadmap ကိုချမှတ်၍ IPSAS ကို စတင်ဆောင်ရွက်ခဲ့ပါကြောင်း၊ IPSAS အကောင်အထည်ဖော်ဆောင်ရွက်ရမည့်အပိုင်းကို  စီမံကိန်းနှင့်ဘဏ္ဍာရေးဝန်ကြီးဌာနအနေဖြင့် တာဝန်ယူဆောင်ရွက်ရပါကြောင်း၊ IPSAS သည် အစိုးရဌာန/အဖွဲ့အစည်းများအားလုံးနှင့် သက်ဆိုင်ပါကြောင်း၊ IPSAS ကို ဆက်လက်အကောင်အထည်ဖော် ဆောင်ရွက်နိုင်ရန်အတွက် Roadmap ပါ Timeline အား ပြင်ဆင်ရေးဆွဲ၍ ၎င်းနှင့်အညီ အကောင်အထည်ဖော်ဆောင်ရွက်လျက်ရှိပါကြောင်း၊ နိုင်ငံတကာစာရင်းစံများနှင့်အညီ စာရင်းများကိုအစီရင်ခံ တင်ပြနိုင်ရန်အတွက် နိုင်ငံပိုင်ကဏ္ဍအတွက် နိုင်ငံတကာစာရင်းစံများငွေသား အခြေခံအပိုင်း(၁) (International Public Sector Accounting Standards –IPSAS) Part 1 of Cash Basis သင်တန်းကို ငွေတိုက်ဦးစီးဌာနနှင့် ရသုံးမှန်းခြေငွေစာရင်းဦးစီးဌာနတို့မှ အရာထမ်း၊ အမှုထမ်း (၅၀) ဦးစီဖြင့် စုစုပေါင်း သင်တန်းသား/သူ (၁၀၀) ဦးတို့အား Training for Trainer အဖြစ် ပြည်ထောင်စုစာရင်းစစ်ချုပ်ရုံးမှ ဉီးစွာသင်ကြားပို့ချပေးခဲ့ပါကြောင်း၊ ဆက်လက်ပြီး ငွေတိုက်ဦးစီးဌာနနှင့် ရသုံးမှန်းခြေငွေစာရင်းဦးစီးဌာနတို့မှ ဌာနတွင်း ဆင့်ပွားသင်တန်းများကိုလည်း ပို့ချလျက်ရှိပါကြောင်း၊ လက်ရှိတွင် ဌာနမှ ကနဦး Pilot အနေဖြင့် ၂၀၁၈-၂၀၁၉ ဘဏ္ဍာရေးနှစ်အတွက် Statement of Cash Receipts and Payments နဲ့ Statement of Comparison of Budget and Actual Amount တို့ကို စာရင်းပေါင်းချုပ်ပြုစုရေးနှင့်အစီရင်ခံရေးဌာနခွဲရှိ လစဉ်စာရင်းများဖြင့် ရေးဆွဲခဲ့ပါကြောင်း၊ ယခုအခါ ၂၀၁၉-၂၀၂၀ ဘဏ္ဍာရေးနှစ်အတွက် ယခင်နှစ် Statement များအပေါ် လိုအပ်ချက်များကို ထည့်သွင်းရေးဆွဲနိုင်ရေးအတွက်  အစည်းအဝေးများကျင်းပပြီး ညှိနှိုင်းဆွေးနွေး ဆောင်ရွက်လျက်ရှိပါကြောင်း၊ ဤဉီးစီးဌာနတွင် တာဝန်ယူဆောင်ရွက်နေကြတဲ့ ဝန်ထမ်းများဖြစ်သည့်အတွက် အချို့သောဝန်ထမ်းများသည် မိမိလုပ်ငန်းတာဝန်များနှင့် တိုက်ရိုက်ဆက်စပ်မှုမရှိသော်လည်း တစ်ချိန်ချိန်တွင် ပြန်လည်အသုံးချနိုင်ရန်နှင့် အသိပညာဗဟုသုတ ရရှိရန် ဤသင်တန်းကို တက်ရောက်စေခဲ့ခြင်းဖြစ်ပါကြောင်း၊ ဝန်ထမ်းများအနေဖြင့်IPSAS နှင့်ပတ်သက်သည့်အကြောင်းအရာများအား ကိုယ်တိုင်လေ့လာသင်ယူခြင်း (Self Study) ဖြင့်စဉ်ဆက်မပြတ် ထပ်မံလေ့လာပြီး မိမိကိုယ်မိမိ ပိုမိုတိုးတက်မှုရှိအောင် ကြိုးစားလေ့လာစေလိုပါကြောင်း၊ မိမိတို့ ဌာနခွဲအလိုက် သက်ဆိုင်ရာလုပ်ငန်းတာဝန်များကို ကျွမ်းကျင်ပိုင်နိုင်စွာ ဆောင်ရွက်နိုင်ပြီး မိမိဌာနအတွက်၊ နိုင်ငံတော်အတွက် အားကိုးအားထားပြုရတဲ့နိုင်ငံ့ဝန်ထမ်းကောင်းများဖြစ်လာစေရန် ဆန္ဒပြုပါကြောင်း ပြောကြားခဲ့ပါသည်။

ထို့နောက် ညွှန်ကြားရေးမှူးချုပ်က သင်တန်းတွင် ပထမဆု၊ ဒုတိယဆုနှင့် တတိယဆု ရရှိသူသင်တန်းသူများကို ဆုချီးမြှင့်ခဲ့ပြီး သင်တန်းဆင်းလက်မှတ်များကို ပေးအပ်ခဲ့ပါသည်။ သင်တန်းဆင်းပွဲအခမ်းအနားသို့ ငွေတိုက်ဉီးစီးဌာနမှ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်၊ ညွန်ကြားရေးမှူးများ၊ ဒုတိယ ညွှန်ကြားရေးမှူးများ၊ သင်တန်းဆရာမများနှင့် သင်တန်းသား/သင်တန်းသူ (၄၀) ဦး တက်ရောက်ခဲ့ကြပြီး သင်တန်းကာလမှာ ၂၀၂၃ ခုနှစ်၊ မေလ ၈ ရက်နေ့မှ ၂၀၂၃ ခုနှစ်၊ ဇွန်လ ၂၆ ရက်နေ့အထိ ရက်သတ္တ (၇)ပတ် ကြာမြင့်ခဲ့ပါသည်။