Myanmar Public Expenditure Review 2017 Workshop ကျင်းပခြင်း

၂၀၁၇ ခုနှစ် ဇူလိုင်လ ၂၀ ရက်နေ့တွင် ကမ္ဘာ့ဘဏ်မှကြီးမှူး၍ Myanmar Public Expenditure Review 2017 Workshop အား နေပြည်တော် Park Royal Hotel ၌ ကျင်းပ ပြုလုပ်ခဲ့ပြီး အဆိုပါ အလုပ်ရုံဆွေးနွေးပွဲတွင် ကမ္ဘာ့ဘဏ်မှ Mr. Shabih Mohib နှင့် Mr. Habib Rab တို့ဦးဆောင်သော Myanmar Public Expenditure Review - 2 ဆိုင်ရာ မစ်ရှင်အဖွဲ့နှင့် ရသုံးမှန်းခြေငွေစာရင်းဦးစီးဌာန ညွှန်ကြားရေးမှူးချုပ် ဒေါ်နွဲ့နွဲ့ဝင်း ဦးဆောင်သော မြန်မာနိုင်ငံ၏  ပြည်သူ့ဘဏ္ဍာရေးစီမံခန့်ခွဲမှု ခေတ်မီဖွံ့ဖြိုးတိုးတက်ရေးလုပ်ငန်းစဉ်များကို ကမ္ဘာ့ဘဏ်နှင့်ပူးပေါင်း အကောင်အထည်ဖော်ဆောင်ရွက်လျက်ရှိသည့် စီမံကိန်းရေးဆွဲရေးဦးစီးဌာန၊ စီမံကိန်းစိစစ်ရေးနှင့် တိုးတက်မှုအစီရင်ခံရေးဦးစီးဌာန၊ ရသုံးမှန်းခြေငွေစာရင်းဦးစီးဌာန၊ ပြည်တွင်းအခွန်များဦးစီးဌာန နှင့် ငွေတိုက်ဦးစီးဌာနတို့မှ သက်ဆိုင်ရာ တာဝန်ရှိပုဂ္ဂိုလ်များသည် ပြည်သူ့အကျိုးပြု ရင်းနှီးမြှုပ်နှံမှု လုပ်ငန်းဆောင်ရွက်ချက်များ စွမ်းဆောင်ရည်ပြည့်ဝစေရန်၊ နိုင်ငံတော်ပိုင်စီးပွားရေးလုပ်ငန်းများ  ပိုမိုတိုးတက်ကောင်းမွန်လာစေရန်၊ မြန်မာနိုင်ငံ၏ အခွန်စနစ် အားကောင်းလာစေရန်၊ ပြည်သူ့ ကြွေးမြီကဏ္ဍနှင့် နှစ်လတ်ဘဏ္ဍာရေးမူဘောင် ပိုမိုခိုင်မာအားကောင်းလာစေရန်စသည့် နယ်ပယ် (၅) ခု နှင့်စပ်လျဉ်း၍ တွေဆုံဆွေးနွေးခဲ့ကြပါသည်။ အဆိုပါ အလုပ်ရုံဆွေးနွေးပွဲသို့ စုစုပေါင်း (၅၀) ဦးခန့် တက်ရောက်ခဲ့ကြပါသည်။