စီမံကိန်းနှင့်ဘဏ္ဍာရေးဝန်ကြီးဌာန စစ်တုရင်ပြိုင်ပွဲဖွင့်ပွဲအခမ်းအနား

စီမံကိန်းနှင့်ဘဏ္ဍာရေးဝန်ကြီးဌာန လက်အောက်ရှိ ဦးစီးဌာနများ နှင့် အဖွဲ့အစည်းများမှ စစ်တုရင်အားကစားနည်းကို စိတ်ပါဝင်စားသူများ ပါဝင်ယှဉ်ပြိုင်နိုင်ရေးအတွက် စစ်တုရင်အားကစားပြိုင်ပွဲ ဖွင့်ပွဲအခမ်းအနားကို ၂၀၁၇ ခုနှစ်၊ ဇွန်လ (၂၄) ရက်နေ့တွင် စီမံကိန်းနှင့်ဘဏ္ဍာရေးဝန်ကြီးဌာန၊ ရုံးအမှတ် (၁)၊ နေပြည်တော်တွင် ကျင်းပြုလုပ်ခဲ့ပါသည်။ အခမ်းအနားသို့ စီမံကိန်းနှင့်ဘဏ္ဍာရေးဝန်ကြီးဌာန ဒုတိယဝန်ကြီး၊ အမြဲတမ်း အတွင်းဝန်၊ ညွှန်ကြားရေးမှူးချုပ်များ၊တာဝန်ရှိပုဂ္ဂိုလ်များနှင့် ပြိုင်ပွဲဝင် အားကစားသမားများ တက်ရောက်ခဲ့ ပါသည်။ အခမ်းအနားတွင် စီမံကိန်းနှင့်ဘဏ္ဍာရေးဝန်ကြီးဌာန ဒုတိယဝန်ကြီးမှ အမှာစကားပြောကြားပြီး စစ်တုရင်အားကစားပြိုင်ပွဲအားဖွင့်လှစ်ပေးခဲ့ပါသည်။

မွန်းလွဲပိုင်းတွင် ပြည်ထောင်စုဝန်ကြီး၊ ဒုတိယဝန်ကြီး၊ အမြဲတမ်းအတွင်းဝန်နှင့် ညွှန်ကြားရေးမှူးချုပ်များမှ စစ်တုရင်ပြိုင်ပွဲယှဉ်ပြိုင်နေမှုအား  လိုက်လံကြည့်ရှု အားပေးပါသည်။စစ်တုရင်ပြိုင်ပွဲအား ၂၀၁၇ ခုနှစ်၊ ဇွန်လ (၂၄) ရက်နေ့မှ ၂၀၁၇ ခုနှစ်၊ ဇွန်လ (၂၆) ရက်နေ့အထိ ကျင်းပပြုလုပ်မည် ဖြစ်ပါသည်။

Tags: Planning