မှတ်တမ်း၊ မော်ကွန်းများကွင်းဆင်းရယူနိုင်ရေးအတွက် စက်မှုဝန်ကြီးဌာန၊ ပြည်ထောင်စုဝန်ကြီးရုံးနှင့် ဦးစီးဌာနများမှ မှတ်တမ်းများ ကွင်းဆင်းရယူရေးနှင့် ပတ်သက်၍ ညှိနှိုင်းအစည်းအဝေးကို (၉-၆-၂၀၂၃) ရက်နေ့ နံနက် (၁၀:၀၀) နာရီတွင် အမျိုးသားမှတ်တမ်းများမော်ကွန်းတိုက်ဦးစီးဌာန (ရုံးချုပ်) အစည်းအဝေးခန်းမ၌ ကျင်းပပြုလုပ်ခဲ့ပါသည်။ အစည်းအဝေးသို့ စက်မှုဝန်ကြီးဌာန၊ ပြည်ထောင်စုဝန်ကြီးရုံးမှ လက်ထောက်အတွင်းဝန် ဦးမိုးဆွေ အပါအဝင် ဦးစီးဌာန/ လုပ်ငန်းများမှ အဆင့်မြင့်အရာရှိကြီး (၇) ဦး တက်ရောက်၍ ညွှန်ကြားရေးမှူးချုပ် ဦးဆန်းမြင့်က အဖွင့်အမှာစကားပြောကြားခဲ့ပါသည်။

အဆိုပါအစည်းအဝေးတွင် မှတ်တမ်းများကွင်းဆင်းရယူရေးနှင့်ပတ်သက်၍ အမျိုးသားမှတ်တမ်းနှင့် မော်ကွန်းဥပဒေ၊ လုပ်ထုံးလုပ်နည်းများနှင့်အညီ ဆောင်ရွက်သွားမည်ဖြစ်ကြောင်း၊ စက်မှုဝန်ကြီးဌာနအနေဖြင့် ထာဝစဉ်ထိန်းသိမ်းရန်လိုအပ်သော မှတ်တမ်းများကို မိမိတို့ဌာနသို့ လွှဲပြောင်းပေးမှသာ နောင်တစ်ချိန်တွင် ပြန်လည်ကိုးကားနိုင်မည်ဖြစ်ကြောင်း၊ စက်မှုဝန်ကြီးဌာနမှ အဆင့်မြင့်အရာရှိကြီးများကလည်း ပူးပေါင်းဆောင်ရွက်သွားမည်ဖြစ်ကြောင်း၊ အဆိုပါ ကွင်းဆင်းရယူခြင်းလုပ်ငန်းကို (၁၄-၆-၂၀၂၃ နှင့် ၁၅-၆-၂၀၂၃) ရက်နေ့များတွင် စတင် ဆောင်ရွက်သွားမည်ဖြစ်ကြောင်း ဆွေးနွေးခဲ့ကြပါသည်။